Spotifyயின் தனியுரிமைக் கொள்கை

தெரிந்துகொள்ளுதல்

நாங்கள் செயலாக்கும் உங்களுடைய தனிப்பட்ட தரவையும் அவை செயலாக்கப்படும் விதத்தையும் பற்றித் தெரிந்துகொள்ளுதல்.

இவற்றின் மூலம் உங்களுக்குத் தெரிவிப்போம்:

• இந்தத் தனியுரிமைக் கொள்கை
• நீங்கள் Spotify சேவையைப் பயன்படுத்தும்போது உங்களுக்கு வழங்கப்படும் தகவல்கள்
• எங்களைத் தொடர்பு கொள்ளும்போது உங்களின் குறிப்பிட்ட கேள்விகளுக்கும் கோரிக்கைகளுக்கும் பதிலளிப்பது

அணுகல்

நாங்கள் செயலாக்கும் உங்களுடைய தனிப்பட்ட தரவிற்கான அணுகலைக் கோருதல்.

Spotifyயில் இருந்து உங்களின் தனிப்பட்ட தரவின் நகலைக் கோருவதற்கான வழிகள்:

• உங்கள் கணக்குத் தனியுரிமை பக்கத்தில் உள்ள “உங்கள் தரவைப் பதிவிறக்குங்கள்” கருவியைப் பயன்படுத்துதல் அல்லது
• எங்களைத் தொடர்புகொள்ளும்போது

உங்கள் தரவைப் பதிவிறக்கும்போது GDPR-இன் பிரிவு 15ன் கீழ் Spotify வழங்கவேண்டிய உங்கள் தரவு பற்றிய தகவல்களைப் பெறுவீர்கள். உங்கள் தனிப்பட்ட தரவு செயலாக்கப்படும் விதத்தைப் பற்றி மேலும் அறிந்துகொள்ள விரும்பினால் எங்களைத் தொடர்புகொள்ளவும்.

சரிசெய்தல்

துல்லியமற்ற அல்லது முழுமையற்ற உங்கள் தனிப்பட்ட தரவை நாங்கள் திருத்தவோ மாற்றவோ கோருதல்.

பயனர் தரவைத் திருத்த, உங்கள் கணக்கில் ‘சுயவிவரத்தைத் திருத்து’ என்பதற்குச் செல்லலாம் அல்லது எங்களைத் தொடர்புகொள்ளலாம்.

நீக்குதல்

உங்களின் குறிப்பிட்ட சில தனிப்பட்ட தரவை நீக்கக் கோருதல்.

உதாரணமாக, பின்வரும் சூழல்களில் தனிப்பட்ட தரவை நீக்கும்படி எங்களிடம் நீங்கள் கோரலாம்:

• தரவு சேகரிக்கப்பட்ட நோக்கத்திற்கென இனி தேவைப்படாதபோது
• 'ஒப்புதல்' எனும் சட்ட அடிப்படையின் கீழ் நாங்கள் செயலாக்கி வந்த தரவிற்கான ஒப்புதலை நீங்கள் விலக்கிக்கொள்ளும்போது
• நீங்கள் மறுப்பு தெரிவிக்கும்போது (கீழே உள்ள ‘மறுப்பு தெரிவித்தல்’ பிரிவைப் பார்க்கவும்) மற்றும்
  • நியாயமானது என நிரூபிக்கக்கூடிய மறுப்பைத் தெரிவிக்கும்போது அல்லது
  • நேரடிச் சந்தைப்படுத்துதலுக்கு மறுப்பு தெரிவிக்கும்போது

சில சூழல்களில் Spotifyயால் உங்கள் தரவை நீக்க முடியாது, அவற்றுக்கான உதாரணங்கள் பின்வருமாறு:

• சேகரிப்பட்ட நோக்கத்திற்காகத் தரவைத் தொடர்ந்து செயலாக்கத் தேவைப்படும்போது
• தரவைச் செயலாக்குவதற்கான Spotifyயின் நோக்கம், அந்தத் தரவை நீக்குவதற்கான உங்களின் நோக்கத்தைவிட முக்கியமானதாக இருக்கும்போது. உதாரணமாக, மோசடியில் இருந்து எங்கள் சேவைகளைப் பாதுகாக்க தரவு தேவைப்படும் சூழல்கள்
• தரவை வைத்துக்கொள்ள Spotifyக்குச் சட்டரீதியான கடமை இருக்கும்போது அல்லது
• சட்டப்பூர்வ உரிமைகோரல்களை உருவாக்க, பயன்படுத்த அல்லது நியாயப்படுத்த Spotifyக்கு இந்தத் தரவு தேவைப்படும்போது. உதாரணமாக, உங்கள் கணக்கு தொடர்பான தீர்க்கப்படாத சிக்கல் இருந்தால் தேவைப்படக்கூடும்

Spotifyயில் இருந்து உங்கள் தனிப்பட்ட தரவை நீக்கப் பல வழிகள் உள்ளன:

• தொடர்புடைய ஆடியோ உள்ளடக்கத்தைத் தேர்ந்தெடுத்து அதை அகற்றுவதற்குத் தேர்வுசெய்வதன் மூலம் உங்கள் சுயவிவரத்தில் இருந்து அதை அகற்றலாம். உதாரணமாக, உங்கள் சுயவிவரத்தில் இருந்து பிளேலிஸ்ட்டையோ உங்கள் பிளேலிஸ்ட்டில் இருந்து டிராக்கையோ அகற்றலாம்
• Spotifyயில் இருந்து உங்களின் பிற தனிப்பட்ட தரவை நீக்கக் கோருவதற்கு, எங்கள் உதவிப் பக்கத்தில் உள்ள படிகளைப் பின்பற்றவும். பிரிவு 3 ‘நாங்கள் சேகரிக்கும் உங்களின் தனிப்பட்ட தரவு’ என்பதில் பட்டியலிடப்பட்டுள்ள உங்களின் பயனர் தரவு, பயன்பாட்டுத் தரவு, பிற தரவு ஆகியவையும் இதில் அடங்கும்.
• நீங்கள் எங்களைத் தொடர்புகொள்வதன் மூலமும் நீக்கக் கோரலாம்

கட்டுப்பாடு

உங்கள் தனிப்பட்ட தரவு அனைத்தையும் அல்லது சிலவற்றை நாங்கள் செயலாக்குவதை நிறுத்தும்படி கோருதல்.

பின்வரும் சூழல்களில் நீங்கள் இதைச் செய்யலாம்:

• உங்கள் தனிப்பட்ட தரவு துல்லியமற்று இருக்கும்போது
• எங்கள் செயலாக்கம் சட்டத்திற்குப் புறம்பானதாக இருக்கும்போது
• குறிப்பிட்ட நோக்கத்திற்கு உங்களைக் குறித்த தகவல் எங்களுக்குத் தேவைப்படாமல் இருக்கும்போது அல்லது
• எங்கள் செயலாக்கத்திற்கு நீங்கள் மறுப்பு தெரிவித்திருந்து அந்தக் கோரிக்கையை நாங்கள் மதிப்பாய்வு செய்யும்போது. கீழே உள்ள ‘மறுப்பு தெரிவித்தல்’ பிரிவைப் பார்க்கவும்

இந்தச் செயலாக்கத்தைத் தற்காலிகமாகவோ நிரந்தரமாகவோ நிறுத்தும்படி நீங்கள் கோரலாம்.

எங்களைத் தொடர்புகொள்வதன் மூலம் கட்டுப்பாட்டிற்கான உங்கள் உரிமையைப் பயன்படுத்தலாம்.

மறுப்பு தெரிவித்தல்

நாங்கள் உங்களின் தனிப்பட்ட தரவை செயலாக்குவதற்கு மறுப்பு தெரிவித்தல்.

பின்வரும் சூழல்களில் நீங்கள் இதைச் செய்யலாம்:

• 'நியாயமான நலநோக்கங்கள்' எனும் சட்ட அடிப்படையின் கீழ் Spotify உங்கள் தனிப்பட்ட தரவைச் செயலாக்கும்போது அல்லது
• பிரத்தியேக விளம்பரங்களுக்காக உங்கள் தனிப்பட்ட தரவை Spotify செயலாக்கும்போது

மறுப்பு தெரிவித்தலுக்கான உங்கள் உரிமையைப் பயன்படுத்த:

• Spotify சேவையிலுள்ள கட்டுப்பாடுகளைப் பயன்படுத்தி உங்கள் தனிப்பட்ட தரவைச் செயலாக்குகின்ற சில அம்சங்களை முடக்கலாம் அல்லது சரிசெய்யலாம். பிரத்தியேக விளம்பரங்களைக் கட்டுப்படுத்துவது எப்படி என்பதைத் தெரிந்து கொள்ள இந்தப் பிரிவின் இறுதியைப் பாருங்கள்
• எங்களைத் தொடர்புகொள்ளலாம்

தரவுப் பெயர்வுத்திறன்

உங்கள் தனிப்பட்ட தரவின் நகலை மின்னணு வடிவில் கோருதல் மற்றும் வேறொரு தரப்பின் சேவையில் பயன்படுத்தும் பொருட்டு அந்தத் தரவைப் பரிமாற்றுவதற்கான உரிமை.

'ஒப்புதல்' அல்லது 'ஒப்பந்தச் செயல்பாடு' எனும் சட்ட அடிப்படைகளின் கீழ் உங்கள் தனிப்பட்ட தரவை நாங்கள் செயலாக்கும்போது எங்களிடம் அந்தத் தரவைப் பரிமாற்றம் செய்யும்படிக் கோரலாம். இருப்பினும் Spotify எந்தவொரு கோரிக்கையையும் இயன்ற அளவிற்கு ஏற்றுக்கொள்ளவே முயற்சிக்கும்.

பெயர்வுத்திறனுக்கான உரிமையைப் பயன்படுத்துவதற்கான வழிமுறையைப் பற்றிய தகவல்களுக்கு மேலே உள்ள ‘அணுகல்’ பிரிவைப் பார்க்கவும்.

தானியங்கு முடிவெடுத்தலுக்கு உட்படாதிருத்தல்

உங்களுக்குச் சட்டரீதியான அல்லது அதற்குச் சமமான குறிப்பிடத்தக்க பாதிப்பை ஏற்படுத்தக்கூடிய தானியங்கு முடிவெடுத்தல் செயல்முறையின் (மனிதப் பங்களிப்பின்றி எடுக்கப்படும் முடிவுகள்) முடிவை (சுயவிவரக் குறிப்பு உருவாக்குதல் உட்பட) முற்றிலும் சாராதிருத்தல்.

Spotify சேவையில் இந்த வகையான தானியங்கு முடிவெடுத்தலை Spotify மேற்கொள்ளாது.

ஒப்புதலைத் திரும்பப் பெறுதல்

உங்கள் தனிப்பட்ட தரவை நாங்கள் சேகரிப்பது அல்லது பயன்படுத்துவது தொடர்பாக நீங்கள் அளித்த ஒப்புதலைத் திரும்பப் பெறுதல்.

'ஒப்புதல்' எனும் சட்ட அடிப்படையின் கீழ் Spotify உங்கள் தனிப்பட்ட தரவைச் செயலாக்கினால், நீங்கள் ஒப்புதலை திரும்பப் பெறலாம்.

உங்கள் ஒப்புதலைத் திரும்பப் பெற, நீங்கள்:

• Spotifyயில் அது தொடர்பான கட்டுப்பாட்டைச் சரிசெய்யலாம்
• எங்களைத் தொடர்புகொள்ளலாம்

புகாரளிக்கும் உரிமை

ஏதேனும் கேள்விகள் அல்லது கருத்துகள் இருந்தால் தனியுரிமைப் பாதுகாப்பிற்கான ஸ்வீடன் ஆணையத்தையோ (Swedish Authority for Privacy Protection) உங்கள் உள்ளூர் தரவுப் பாதுகாப்பு ஆணையத்தையோ தொடர்புகொள்ளவும்.

ஸ்வீடன் ஆணையம் குறித்த விவரங்களை இங்கே கண்டறியலாம். உங்கள் உள்ளூர் தரவுப் பாதுகாப்பு ஆணையத்தின் வலைதளத்திற்கும் செல்லலாம்.

வகை

விளக்கம்

பயனர் தரவு

உங்கள் Spotify கணக்கை உருவாக்க எங்களுக்குத் தேவைப்படக்கூடிய மற்றும் நீங்கள் Spotify சேவையைப் பயன்படுத்த உதவும் தனிப்பட்ட தரவு.

உங்களிடம் உள்ள 'சேவை விருப்பத்தின்’ வகையைப் பொறுத்தே சேகரிக்கப்பட்டுப் பயன்படுத்தப்படும் தரவின் வகை அமையும். மேலும் இது நீங்கள் கணக்கை உருவாக்கும் விதம், நீங்கள் வசிக்கும் நாடு, உள்நுழைய மூன்றாம் தரப்புச் சேவைகளைப் பயன்படுத்தினால் அந்தச் சேவைகள் ஆகியவற்றையும் பொறுத்தது. இதில் பின்வரும் உங்கள் தகவல்களும் அடங்கக்கூடும்:

• சுயவிவரப் பெயர்
• மின்னஞ்சல் முகவரி
• கடவுச்சொல்
• மொபைல் எண்
• பிறந்த தேதி
• பாலினம்
• முகவரி (மேலும் விவரங்களுக்குக் கீழே பார்க்கவும்)
• நாடு
• பல்கலைக்கழகம்/கல்லூரி (Spotify Premium Student திட்டத்திற்கு)

இவற்றில் சில தரவை உங்களிடமிருந்தே பெறுவோம், எ.கா. பதிவு செய்தல் படிவம், கணக்குப் பக்கம்

உங்கள் சாதனத்தில் இருந்தும் சில தரவைப் பெறுவோம், எ.கா. நாடு, பிராந்தியம். இந்தத் தரவு எவ்வாறு சேகரிக்கப்பட்டுப் பயன்படுத்தப்படுகிறது என்பது பற்றிய கூடுதல் தகவல்களுக்குப் 'பயன்பாட்டுத் தரவு' வகையில் உள்ள ‘உங்கள் பொதுவான (துல்லியமற்ற) இருப்பிடம்’ என்பதைப் பார்க்கவும்.

முகவரித் தரவு

பின்வரும் காரணங்களுக்காகத் உங்கள் முகவரியை நாங்கள் கேட்கக்கூடும் மற்றும் செயலாக்கக்கூடும்:

• சேவை விருப்பத்திற்கான தகுதிநிலையைச் சரிபார்க்க
• சட்டபூர்வமாகத் தேவைப்படுகின்ற அறிவிப்புகளை வழங்க
• உதவி விருப்பங்களை வழங்க
• பில்லிங் மற்றும் வரியை நிர்வகிப்பதற்காக
• நீங்கள் கோருகின்ற பொருட்களையோ பரிசுகளையோ வழங்க

சில சமயங்களில் உங்கள் முகவரியை நீங்கள் சரிபார்க்க உதவ, நாங்கள் Google Maps போன்ற மூன்றாம் தரப்புச் செயலியைப் பயன்படுத்தக்கூடும்.

வகைகள்

விளக்கம்

பயன்பாட்டுத் தரவு

நீங்கள் Spotify சேவையை அணுகும்போதோ பயன்படுத்தும்போதோ சேகரித்துச் செயலாக்கப்படும் உங்களின் தனிப்பட்ட தரவு.

இதில் அடங்கக்கூடிய தகவல்களின் சில வகைகள் பின்வரும் பிரிவுகளில் பட்டியலிடப்பட்டுள்ளன.

நீங்கள் Spotifyயை எவ்வாறு பயன்படுத்துகிறீர்கள் என்பது பற்றிய தகவல்கள்

இவை உட்பட:

• உங்கள் Spotify சேவை விருப்பம் பற்றிய தகவல்கள்
• Spotify சேவையில் உங்கள் செயல்பாடுகள் (தேதி மற்றும் நேரம் உட்பட), உதாரணம்:
  • தேடல் வினவல்கள்
  • ஸ்ட்ரீமிங் வரலாறு
  • நீங்கள் உருவாக்கும் பிளேலிஸ்ட்டுகள்
  • உங்கள் லைப்ரரி
  • உலாவல் வரலாறு
  • கணக்கு அமைப்புகள்
  • பிற Spotify பயனர்களுடனான பங்கேற்பு
  • Spotify சேவை தொடர்பாக நீங்கள் பயன்படுத்தும் மூன்றாம் தரப்புச் சேவைகள், சாதனங்கள் மற்றும் செயலிகள்
• நீங்கள் Spotify சேவையைப் பயன்படுத்துவதன் அடிப்படையில் உங்கள் ஆர்வங்கள் மற்றும் விருப்பத்தேர்வுகள் குறித்த எங்களின் புரிதல்
• Spotify சலுகைகளில் (எ.கா. போட்டிகள், பந்தயம்) நீங்கள் பங்கேற்கும்போது வழங்கும் உள்ளடக்கம்
• Spotify சேவையில் நீங்கள் இடுகையிடும் உள்ளடக்கம். எ.கா: படங்கள், ஆடியோ, உரை, தலைப்புகள், விளக்கங்கள், தகவல்தொடர்புகள், பிற உள்ளடக்க வகைகள்

உங்கள் தொழில்நுட்பத் தரவு

இவை உட்பட:

• URL தகவல்கள்
• ஆன்லைன் அடையாளங்காட்டிகள், எ.கா.குக்கீ தரவு, IP முகவரிகள்
• நீங்கள் பயன்படுத்தும் சாதனங்களைப் பற்றிய தகவல்கள், எ.கா:
  • சாதன ஐடிகள்
  • நெட்வொர்க் இணைப்பு வகை (எ.கா. wifi, 4G, LTE, புளூடூத்)
  • வழங்குநர்
  • நெட்வொர்க் மற்றும் சாதனத்தின் செயல்திறன்
  • உலாவியின் வகை
  • மொழி
  • டிஜிட்டல் உரிமைகள் மேலாண்மையை இயக்குவதற்கான தகவல்கள்
  • ஆப்ரேட்டிங் சிஸ்டம்
  • Spotify செயலியின் பதிப்பு
• மூன்றாம் தரப்புச் சாதனங்கள் மற்றும் செயலிகளைக் கண்டறிந்து அவற்றுடன் இணைக்க உதவும் தகவல்கள். இந்தத் தகவல்களுக்கான உதாரணங்கள்: சாதனத்தின் பெயர், சாதன அடையாளங்காட்டிகள், பிராண்டு, பதிப்பு. மூன்றாம் தரப்புச் சாதனங்கள் மற்றும் செயலிகளுக்கான உதாரணங்கள்:
  • Spotify சேவையுடன் இணைக்கக்கூடிய உங்கள் wifi நெட்வொர்க்கில் உள்ள சாதனங்கள் (ஸ்பீக்கர்கள் போன்றவை)
  • புளூடூத், செருகுநிரல், நிறுவல் ஆகியவற்றின் மூலமாக இணைக்கப்படும்போது உங்கள் ஆப்ரேட்டிங் சிஸ்டம் மூலம் கிடைக்கக்கூடிய சாதனங்கள்
  • உங்கள் சாதனத்தில் செயலி நிறுவப்பட்டுள்ளதா என்பதை தீர்மானிக்கக்கூடிய Spotifyயின் கூட்டாளர் செயலிகள்

உங்கள் பொதுவான (துல்லிமற்ற) இருப்பிடம்

உங்கள் பொதுவான இருப்பிடத்தில் நாடு, பிராந்தியம், மாநிலம் ஆகியவை அடங்கும். தொழில்நுட்பத் தரவு (எ.கா. உங்கள் IP முகவரி, உங்கள் சாதனத்தின் மொழி அமைப்பு) அல்லது பேமெண்ட்டிற்கான நாணய வகையின் மூலம் இந்தத் தகவல்களை நாங்கள் தெரிந்துகொள்வோம்.

பின்வரும் நோக்கங்களுக்காக இந்தத் தகவல்கள் தேவை:

• Spotify சேவையில் உள்ள உள்ளடக்கங்களின் உரிமையாளர்களுடன் நாங்கள் செய்து கொண்ட ஒப்பந்தங்களில் உள்ள இருப்பிடத் தேவைகளைப் பூர்த்திசெய்வதற்கு
• உங்களுக்குத் தொடர்புடைய உள்ளடக்கத்தையும் விளம்பரத்தையும் வழங்குவதற்கு

உங்கள் சாதனத்தின் சென்சார் தரவு

இயக்கம் அல்லது திசையமைப்பு மூலம் உருவாக்கப்படும் சாதன சென்சார் தரவு தேவைப்படும் Spotify சேவையின் அம்சங்களை வழங்க வேண்டியிருந்தால் இந்தத் தரவு சேகரிக்கப்படும். இது உங்கள் சாதனத்தை நீங்கள் நகர்த்தும் அல்லது பிடிக்கும் விதம் குறித்து உங்கள் சாதனம் சேகரிக்கும் தரவாகும்.

வகைகள்

விளக்கம்

குரல் தரவு

உங்கள் பகுதியில் குரல் அம்சங்கள் கிடைக்கும் பட்சத்தில், அவற்றைப் பயன்படுத்துவதற்கு நீங்கள் தேர்வுசெய்திருந்தால் நாங்கள் குரல் தரவைச் சேகரித்துச் செயலாக்குவோம். உங்கள் குரலின் ஆடியோ ரெக்கார்டிங்குகள் மற்றும் அந்த ரெக்கார்டிங்குகளின் எழுத்தாக்கங்களையே குரல் தரவு என்கிறோம்.

வெவ்வேறு குரல் அம்சங்கள் செயல்படும் விதத்தையும் அவற்றை எவ்வாறு கட்டுப்படுத்தலாம் முடக்கலாம் என்பதைப் பற்றியும் மேலும் அறிந்துகொள்ள, எங்கள் குரல் கட்டுப்பாட்டுக் கொள்கையைப் பார்க்கவும்.

பேமெண்ட் மற்றும் பர்ச்சேஸ் குறித்த தரவு

Spotifyயில் எதையேனும் பர்ச்சேஸ் செய்தாலோ கட்டணச் சேவை விருப்பத்தேர்வு அல்லது கட்டணமற்ற உபயோகத்திற்குப் பதிவுசெய்தாலோ உங்கள் பேமெண்ட் தரவை நாங்கள் செயலாக்க வேண்டியிருக்கும்.

சேகரிக்கப்படும் மற்றும் பயன்படுத்தப்படும் தனிப்பட்ட தரவு பேமெண்ட் முறையைப் பொறுத்து மாறுபடக்கூடும். இதில் அடங்கும் தகவல்கள்:

• பெயர்
• பிறந்த தேதி
• பேமெண்ட் முறை (எ.கா. கிரெடிட் அல்லது டெபிட் கார்டு)
• டெபிட் அல்லது கிரெடிட் கார்டைப் பயன்படுத்தினால், கார்டு வகை, காலாவதித் தேதி, உங்கள் கார்டு எண்ணின் குறிப்பிட்ட இலக்கங்கள்
  குறிப்பு: பாதுகாப்பு காரணங்களுக்காக உங்கள் முழு கார்டு எண்ணையும் நாங்கள் சேமிப்பதில்லை
• அஞ்சல் குறியீடு
• மொபைல் எண்
• பர்ச்சேஸ் மற்றும் பேமெண்ட் வரலாறு குறித்த விவரங்கள்

கருத்துக்கணிப்பு மற்றும் ஆய்வு தொடர்பான தரவு

கருத்துக்கணிப்புக்குப் பதிலளிக்கும்போது அல்லது பயனர் ஆய்வில் பங்கேற்கும்போது நீங்கள் வழங்கும் தனிப்பட்ட தரவை நாங்கள் சேகரித்துப் பயன்படுத்துவோம்.

மூன்றாம் தரப்பினரின் வகைகள்

விளக்கம்

தரவு வகைகள்

அங்கீகரிப்புக் கூட்டாளர்கள்

வேறொரு சேவையின் மூலம் Spotify சேவையில் நீங்கள் பதிவு செய்யவோ உள்நுழையவோ செய்தால், அந்தச் சேவை உங்கள் தகவல்களை எங்களுக்கு அனுப்பும். Spotify சேவையில் உங்கள் கணக்கை உருவாக்க இந்தத் தகவல்கள் உதவும்.

பயனர் தரவு

உங்கள் Spotify கணக்குடன் நீங்கள் இணைக்கக்கூடிய மூன்றாம் தரப்புச் செயலிகள், சேவைகள் மற்றும் சாதனங்கள்

உங்கள் Spotify கணக்கை மூன்றாம் தரப்புச் செயலி, சேவை, சாதனங்கள் போன்றவற்றுடன் இணைத்தால், அவற்றுடன் ஒருங்கிணைப்பதற்காக நாங்கள் அவற்றிலிருந்து தகவல்களைச் சேகரித்துப் பயன்படுத்தக்கூடும்.

மூன்றாம் தரப்புச் செயலிகள், சேவைகள் அல்லது சாதனங்களில் அடங்குபவை:

• சமூக வலைதளம்
• இதில் அடங்கும் சாதனங்கள்:
  • ஆடியோ (எ.கா. ஸ்பீக்கர்கள் மற்றும் ஹெட்ஃபோன்கள்)
  • ஸ்மார்ட் வாட்ச்சுகள்
  • டிவிகள்
  • மொபைல்கள் மற்றும் டேப்லெட்டுகள்
  • வாகனம் (எ.கா. கார்கள்)
  • கேம் கன்சோல்கள்
• சேவைகள் அல்லது தளங்கள் (குரல் உதவி அம்சங்கள், உள்ளடக்கத் தளங்கள் போன்றவை)

குறிப்பிட்ட சில மூன்றாம் தரப்பினரிடம் இருந்து உங்கள் தகவல்களைச் சேகரிக்கும் முன் உங்களிடம் அனுமதி கேட்போம்.

பயனர் தரவு

பயன்பாட்டுத் தரவு

தொழில்நுட்பச் சேவைக் கூட்டாளர்கள்

குறிப்பிட்ட தரவை வழங்கக்கூடிய தொழில்நுட்பச் சேவைக் கூட்டாளர்களுடன் இணைந்து நாங்கள் செயல்புரிகிறோம். துல்லியமற்ற இருப்பிடத் தரவுடன் (எ.கா. நாடு அல்லது பிராந்தியம், நகரம், மாநிலம்) IP முகவரிகளை மேப்பிங் செய்வதும் இதிலடங்கும்.

Spotify சேவை, உள்ளடக்கம், அம்சங்கள் ஆகியவற்றை Spotify வழங்குவதை இது சாத்தியமாக்குகிறது.

பயனர் கணக்குகளைப் பாதுகாக்க எங்களுக்கு உதவும் பாதுகாப்புச் சேவை வழங்குநர்களுடனும் நாங்கள் இணைந்து பணியாற்றுகிறோம்.

பயனர் தரவு

பயன்பாட்டுத் தரவு

பேமெண்ட் கூட்டாளர்கள் மற்றும் வணிகர்கள்

மூன்றாம் தரப்பு (எ.கா. தொலைத்தொடர்பு நிறுவனங்கள்) அல்லது இன்வாய்ஸ் மூலம் பணம் செலுத்தத் தேர்வுசெய்தால், எங்கள் பேமெண்ட் கூட்டாளர்களிடம் இருந்து நாங்கள் தரவைப் பெறக்கூடும்.

இவற்றைச் செய்ய இது எங்களை அனுமதிக்கிறது:

• உங்களுக்கு இன்வாய்ஸ்களை அனுப்புதல்
• உங்கள் பேமெண்ட்டைச் செயலாக்குதல்
• நீங்கள் பர்ச்சேஸ் செய்ததை வழங்குதல்

வணிகரிடம் உங்களைத் திசைதிருப்பினால், உங்கள் பர்ச்சேஸ் தொடர்பான தரவை வணிகரிடம் இருந்து பெறுவோம். உதாரணமாக, மூன்றாம் தரப்புத் தளத்தில் உள்ள கலைஞரின் விற்பனைப் பொருட்கள் ஸ்டோருக்கு அல்லது மூன்றாம் தரப்பின் டிக்கெட் வழங்கும் வலைதளத்திற்கு நாங்கள் உங்களைத் திசைதிருப்பலாம்.

இந்தத் தரவைப் பெறுவதன் மூலம் இவற்றை நாங்கள் செய்யலாம்:

• எங்களுக்குச் செலுத்த வேண்டிய எந்தவொரு கமிஷனையும் கணக்கிடலாம்
• இந்த வணிகக் கூட்டாளர்களுடனான எங்கள் பார்ட்னர்ஷிப்பின் செயல்திறனைப் பகுப்பாய்வு செய்யலாம்
• உங்கள் ஆர்வங்களைப் புரிந்துகொள்ளலாம்

பேமெண்ட் மற்றும் பர்ச்சேஸ் குறித்த தரவு

விளம்பர மற்றும் சந்தைப்படுத்துதல் கூட்டாளர்கள்

குறிப்பிட்ட விளம்பர மற்றும் சந்தைப்படுத்துதல் கூட்டாளர்களிடம் இருந்து, உங்கள் ஆர்வங்கள் மற்றும் விருப்பத்தேர்வுகள் பற்றிய அவர்களின் புரிதலை நாங்கள் தெரிந்துகொள்வோம்.

மிகவும் தொடர்புடைய விளம்பரங்களையும் சந்தைப்படுத்துதலையும் வழங்க இது எங்களை அனுமதிக்கிறது.

பயன்பாட்டுத் தரவு

வாங்கிய நிறுவனங்கள்

நாங்கள் வாங்கும் நிறுவனங்களிடம் இருந்தும் உங்களைப் பற்றிய தரவைப் பெறக்கூடும். எங்கள் சேவைகள், தயாரிப்புகள் மற்றும் நாங்கள் வழங்குபவற்றை மேம்படுத்த இது உதவுகிறது.

பயனர் தரவு

பயன்பாட்டுத் தரவு

உங்களுடனான எங்கள் ஒப்பந்தத்திற்கு இணங்க Spotify சேவையை வழங்குவதற்கு.

உதாரணமாக, பின்வருவனற்றுக்காக உங்கள் தனிப்பட்ட தரவை நாங்கள் பயன்படுத்தும்போது:

• உங்களுக்காகக் கணக்கை அமைத்தல்
• உங்கள் கணக்கைப் பிரத்தியேகப்படுத்துதல் அல்லது
• Spotify செயலியை உங்கள் சாதனத்தில் பதிவிறக்கும்போது அதை வழங்குதல்

ஒப்பந்தச் செயல்பாடு

• பயனர் தரவு
• முகவரித் தரவு
• பயன்பாட்டுத் தரவு
• குரல் தரவு
• பேமெண்ட் மற்றும் பர்ச்சேஸ் குறித்த தரவு

Spotify சேவையின் பிற அம்சங்களை வழங்குவதற்கு.

உதாரணமாக, Spotify உள்ளடக்கத்திற்கான இணைப்பைப் பிறருடன் பகிர்வதற்கு உங்களை அனுமதிப்பதற்காக உங்கள் தனிப்பட்ட தரவை நாங்கள் பயன்படுத்தும்போது.

சட்டப்படியான நலநோக்கம்

எங்களின் சட்டப்படியான நலநோக்கங்களில் இவை அடங்கும்:

• Spotify சேவையைத் தொடர்ந்து இயக்குதல் மற்றும் செயல்பாட்டில் வைத்திருத்தல்
• Spotify சேவையை அணுகவும் பயன்படுத்தவும் பயனர்களை அனுமதித்தல்

• பயனர் தரவு
• முகவரித் தரவு
• பயன்பாட்டுத் தரவு
• குரல் தரவு
• பேமெண்ட் மற்றும் பர்ச்சேஸ் குறித்த தரவு

Spotify சேவையின் குறிப்பிட்ட சில விருப்பத்தேர்விலான கூடுதல் அம்சங்களை வழங்குவதற்கு. இதுபோன்ற சூழலில் உங்கள் ஒப்புதலை நாங்கள் உறுதியாகக் கேட்போம்.

ஒப்புதல்

• பயனர் தரவு
• பயன்பாட்டுத் தரவு
• கருத்துக்கணிப்பு மற்றும் ஆய்வு தொடர்பான தரவு
• பேமெண்ட் மற்றும் பர்ச்சேஸ் குறித்த தரவு

Spotify சேவையில் உள்ள சிக்கல்களைக் கண்டறிவதற்கு, பிழையறிந்து திருத்துவதற்கு மற்றும் சரிசெய்வதற்கு.

ஒப்பந்தச் செயல்பாடு

• பயனர் தரவு
• பயன்பாட்டுத் தரவு

Spotify சேவைக்கான புதிய அம்சங்கள், தொழில்நுட்பங்கள், மேம்பாடுகள் ஆகியவற்றை மதிப்பிடுவதற்கு மற்றும் உருவாக்குவதற்கு.

உதாரணமாக:

• எங்களின் பிரத்தியேகப் பரிந்துரை அல்காரிதங்களை உருவாக்கவும் மேம்படுத்தவும் தனிப்பட்ட தரவை நாங்கள் பயன்படுத்துவோம்
• குறிப்பிட்ட புதிய அம்சம் தொடர்பான பயனர் அனுபவத்தை ஆராய்ந்து மாற்றங்கள் ஏதேனும் செய்ய வேண்டுமா என்பதைக் கண்டறிவோம்

சட்டப்படியான நலநோக்கம்

எங்கள் பயனர்களுக்கான தயாரிப்புகளையும் அம்சங்களையும் உருவாக்குவதும் மேம்படுத்துவதும் எங்களின் சட்டப்படியான நலநோக்கங்களில் அடங்கும்.

• பயனர் தரவு
• பயன்பாட்டுத் தரவு
• குரல் தரவு
• கருத்துக்கணிப்பு மற்றும் ஆய்வு தொடர்பான தரவு

சட்டப்படி உங்கள் ஒப்புதலைப் பெற்று சந்தைப்படுத்துவதற்கு அல்லது விளம்பரப்படுத்துவதற்கு.

உதாரணமாக, உங்கள் ஆர்வங்களைப் புரிந்துகொள்வதற்காகக் குக்கீகளைப் பயன்படுத்தும்போது அல்லது மின்னஞ்சல் சந்தைப்படுத்துதலுக்குச் சட்டப்படி ஒப்புதல் தேவைப்படும்போது.

ஒப்புதல்

• பயனர் தரவு
• பயன்பாட்டுத் தரவு
• கருத்துக்கணிப்பு மற்றும் ஆய்வு தொடர்பான தரவு

உங்கள் ஒப்புதல் தேவைப்படாத பிற சந்தைப்படுத்துதல், விளம்பரப்படுத்துதல் நோக்கங்களுக்கு.

உதாரணமாக, உங்கள் ஆர்வங்களுக்கு ஏற்ப விளம்பரங்களைப் பிரத்தியேகப்படுத்த உங்கள் தனிப்பட்ட தரவை நாங்கள் பயன்படுத்தும்போது.

சட்டப்படியான நலநோக்கம்

பெரும்பான்மையான Spotify அம்சங்களை இலவசமாக வழங்குவதற்காக Spotify சேவைக்கான நிதியுதவியைப் பெற விளம்பரங்களைப் பயன்படுத்துவதும் எங்களின் சட்டப்படியான நலநோக்கங்களில் அடங்கும்.

• பயனர் தரவு
• பயன்பாட்டுத் தரவு
• கருத்துக்கணிப்பு மற்றும் ஆய்வு தொடர்பான தரவு

நாங்கள் இணங்கவேண்டிய சட்டப்பூர்வக் கடமைகளுடன் இணங்குவதற்கு.

இது பின்வருமாறு இருக்கலாம்:

• நீங்கள் இருக்கும் நாடு / பிராந்தியத்தின் சட்டபூர்வக் கடமைக்கு இணங்குதல்
• ஸ்வீடன் சட்டம் (ஸ்வீடனில் எங்கள் தலைமையகம் இருப்பதால்), அல்லது
• எங்களுக்குப் பொருந்தக்கூடிய ஐரோப்பிய ஒன்றியச் சட்டத்துடன் இணங்குதல்

உதாரணமாக, வயதுச் சரிபார்ப்பு நோக்கங்களுக்காக உங்கள் பிறந்த தேதியை நாங்கள் பயன்படுத்தும்போது.

சட்டப்பூர்வக் கடமைகளுடன் இணங்குதல்

• பயனர் தரவு
• முகவரித் தரவு
• பயன்பாட்டுத் தரவு
• குரல் தரவு
• பேமெண்ட் மற்றும் பர்ச்சேஸ் குறித்த தரவு
• கருத்துக்கணிப்பு மற்றும் ஆய்வு தொடர்பான தரவு

சட்ட அமலாக்க அமைப்பு, நீதிமன்றங்கள் அல்லது பிற சம்பந்தப்பட்ட ஆணையங்களின் கோரிக்கைக்கு இணங்குவதற்கு.

சட்டப்பூர்வக் கடமைகளுடன் இணங்குதல் மற்றும் சட்டப்படியான நலநோக்கம்

கடுமையான குற்றத்தைத் தடுக்க அல்லது கண்டறிய சட்ட அமலாக்க ஆணையங்களுக்கு உதவுவதும் எங்களின் சட்டப்படியான நலநோக்கங்களில் அடங்கும்.

• பயனர் தரவு
• முகவரித் தரவு
• பயன்பாட்டுத் தரவு
• குரல் தரவு
• பேமெண்ட் மற்றும் பர்ச்சேஸ் குறித்த தரவு
• கருத்துக்கணிப்பு மற்றும் ஆய்வு தொடர்பான தரவு

மூன்றாம் தரப்பினருடனான ஒப்பந்தக் கடமைகளை நிறைவேற்றுவதற்கு.

உதாரணமாக, Spotify உரிமைதாரருடன் தரவைப் பகிர்வதற்கு நாங்கள் செய்துகொண்ட ஒப்பந்தத்தின்படி, பயனர்களின் கேட்டல் செயல்பாடு தொடர்பான அடையாளம் நீக்கப்பட்ட தரவை நாங்கள் வழங்கும்போது.

சட்டப்படியான நலநோக்கம்

எங்களின் சட்டப்படியான நலநோக்கங்களில் இவை அடங்கும்:

• Spotify சேவையை வழங்குவதற்காகக் கலைஞர்களுடான எங்கள் உறவுகளைப் பேணுதல்
• அதே காரணத்திற்காக பிற மூன்றாம் தரப்பினருடனான எங்கள் உறவுகளைப் பேணுதல்

• பயனர் தரவு
• பயன்பாட்டுத் தரவு
• குரல் தரவு
• பேமெண்ட் மற்றும் பர்ச்சேஸ் குறித்த தரவு

அறிவுசார் உடைமை மீறல் மற்றும் பொருத்தமற்ற உள்ளடக்கம் தொடர்பான புகார்கள் மீது தக்க நடவடிக்கையை எடுப்பதற்கு.

சட்டப்படியான நலநோக்கம்

அறிவுசார் உடைமை மற்றும் அசல் உள்ளடக்கத்தைப் பாதுகாப்பதும் எங்களின் சட்டப்படியான நலநோக்கங்களில் அடங்கும்.

• பயனர் தரவு
• பயன்பாட்டுத் தரவு
• குரல் தரவு
• பேமெண்ட் மற்றும் பர்ச்சேஸ் குறித்த தரவு

சட்ட உரிமைகோரல்களை உருவாக்குவதற்கு, பயன்படுத்துவதற்கு அல்லது நியாயப்படுத்துவதற்கு.

உதாரணமாக, ஏதேனும் வழக்கு விசாரணைக்கு நாங்கள் உள்ளாகி, அந்த வழக்கு தொடர்பாக எங்கள் வழக்கறிஞர்களுக்கு தகவல்களை வழங்க வேண்டியபோது.

சட்டப்படியான நலநோக்கம்

எங்களின் சட்டப்படியான நலநோக்கங்களில் இவை அடங்கும்:

• சட்ட ஆலோசனையைக் கோருதல்
• சட்ட நடவடிக்கைகளின்போது எங்களை, எங்கள் பயனர்களை அல்லது மற்றவர்களைப் பாதுகாத்தல்

• பயனர் தரவு
• முகவரித் தரவு
• பயன்பாட்டுத் தரவு
• குரல் தரவு
• பேமெண்ட் மற்றும் பர்ச்சேஸ் குறித்த தரவு
• கருத்துக்கணிப்பு மற்றும் ஆய்வு தொடர்பான தரவு

வணிகத் திட்டமிடல், அறிக்கையிடல், முன்கணிப்பு ஆகியவற்றுக்கு.

உதாரணமாக, எங்கள் தயாரிப்புகள் மற்றும் அம்சங்களைப் புதிய இடங்களில் வெளியிடத் திட்டமிடுவதற்காக, ஒருங்கிணைக்கப்பட்ட பயனர் தரவை (எ.கா. ஒரு நாட்டில் புதிதாகப் பதிவுசெய்தவர்களின் எண்ணிக்கை) நாங்கள் பார்க்கும்போது.

சட்டப்படியான நலநோக்கம்

எங்கள் வணிகத்தைத் தொடர்ந்து வெற்றிகரமாக நடத்துவதற்காக ஆய்வுகள் மேற்கொள்வதும், திட்டமிடுவதும் எங்களின் சட்டப்படியான நலநோக்கங்களில் அடங்கும்.

• பயனர் தரவு
• பயன்பாட்டுத் தரவு
• பேமெண்ட் மற்றும் பர்ச்சேஸ் குறித்த தரவு

உங்கள் பேமெண்ட்டைச் செயல்படுத்துவதற்கு.

உதாரணமாக, Spotify சந்தாவை வாங்க உங்களை அனுமதிப்பதற்காக உங்கள் தனிப்பட்ட தரவை நாங்கள் பயன்படுத்தும்போது.

ஒப்பந்தச் செயல்பாடு மற்றும் ஒப்புதல்

• பயனர் தரவு
• பேமெண்ட் மற்றும் பர்ச்சேஸ் குறித்த தரவு
• முகவரித் தரவு

Spotify சேவையைப் பாதுகாப்பானதாக வைத்திருப்பதற்கு மற்றும் மோசடியைக் கண்டறிந்து தடுப்பதற்கு.

உதாரணமாக, Spotify சேவை மோசடியாகப் பயன்படுத்தப்படுகிறதா என்பதைச் சரிபார்க்க பயன்பாட்டுத் தரவை நாங்கள் பகுப்பாய்வு செய்யும்போது.

சட்டப்படியான நலநோக்கம்

மோசடி மற்றும் சட்டத்திற்குப் புறம்பான பிற செயல்பாடுகளில் இருந்து Spotify சேவை மற்றும் எங்கள் பயனர்களைப் பாதுகாப்பதும் எங்களின் சட்டப்படியான நலநோக்கங்களில் அடங்கும்.

• பயனர் தரவு
• முகவரித் தரவு
• பயன்பாட்டுத் தரவு
• பேமெண்ட் மற்றும் பர்ச்சேஸ் குறித்த தரவு

ஆய்வு மற்றும் கருத்துக்கணிப்புகள் நடத்துவதற்கு.

உதாரணமாக, கருத்து கேட்பதற்காகப் பயனர்களை நாங்கள் தொடர்புகொள்ளும்போது.

சட்டப்படியான நலநோக்கம்

Spotify சேவை குறித்து பயனர்கள் என்ன நினைக்கிறார்கள், அதை எப்படிப் பயன்படுத்துகிறார்கள் என்பதை நன்குப் புரிந்துகொள்வதும் எங்களின் சட்டப்படியான நலநோக்கங்களில் அடங்கும்.

• பயனர் தரவு
• பயன்பாட்டுத் தரவு
• குரல் தரவு
• கருத்துக்கணிப்பு மற்றும் ஆய்வு தொடர்பான தரவு

உங்கள் Spotify கணக்குடன் இணைக்கும் மூன்றாம் தரப்புச் செயலிகள், சேவைகள் மற்றும் சாதனங்கள்

• பயனர் தரவு
• பயன்பாட்டுத் தரவு

உங்கள் Spotify கணக்கை இணைப்பதற்கு அல்லது மூன்றாம் தரப்புச் செயலிகள், சேவைகள் அல்லது சாதனங்களில் Spotify சேவையை நீங்கள் பயன்படுத்துவதற்கு.

உதாரணமாக, மூன்றாம் தரப்புச் செயலிகள், சேவைகள் மற்றும் சாதனங்களில் அடங்குபவை:

• சமூக வலைதளச் செயலிகள்
• ஸ்பீக்கர் சாதனங்கள்
• டிவிகள்
• ஆட்டோமோட்டிவ் பிளாட்ஃபார்ம்கள்
• குரல் உதவி அம்சங்கள்

உங்கள் கணக்கில் உள்ள ‘செயலிகள்’ பிரிவில் ஒன்றுக்கும் மேற்பட்ட மூன்றாம் தரப்பு இணைப்புகளை பார்க்கலாம் அகற்றலாம்.

ஆதரவுச் சமூகம்

• பயனர் தரவு

Spotify ஆதரவுச் சமூகச் சேவையைப் பயன்படுத்த உங்களை அனுமதிப்பதற்கு.

Spotify ஆதரவுச் சமூகத்தில் நீங்கள் கணக்கிற்குப் பதிவு செய்யும்போது உங்கள் சுயவிவரப் பெயரை உருவாக்குமாறு கேட்போம். Spotify ஆதரவுச் சமூகத்தைப் பயன்படுத்துபவர்களுக்கு இது பொதுவில் காட்டப்படும். மேலும் நீங்கள் இடுகையிடும் கேள்விகள் அல்லது கருத்துகளையும் காண்பிப்போம்.

பிற Spotify பயனர்கள்

• பயனர் தரவு
• பயன்பாட்டுத் தரவு
• குரல் தரவு

Spotify சேவையை நீங்கள் பயன்படுத்துவது பற்றிய தகவல்களைப் பிற Spotify பயனர்களுடன் பகிர்வதற்கு. Spotifyயில் உங்களைப் பின்தொடர்பவர்களும் இதில் அடங்குவர்.

உதாரணமாக, ‘சமூகம்’ அமைப்புகளில் நீங்கள் சமீபத்தில் பிளே செய்த கலைஞர்களையும் உங்கள் சுயவிவரத்தில் உள்ள உங்கள் பிளேலிஸ்ட்டுகளையும் பகிர்வதற்குத் தேர்வுசெய்யலாம். மேலும் நீங்கள் பிற பயனர்களுடன் இணைந்து 'பகிர்ந்த பிளேலிஸ்ட்டை' உருவாக்கலாம் அல்லது அதில் சேரலாம். பகிர்ந்த பிளேலிஸ்ட்டுகள் என்பவை உங்கள் கேட்கும் செயல்பாடுகளின் அடிப்படையில் சமூகப் பரிந்துரைகளை உங்களுக்கு வழங்கும்.

கலைஞர்கள் மற்றும் ரெக்கார்டு லேபிள்கள்

• பயனர் தரவு

கலைஞர்கள், ரெக்கார்டு லேபிள்கள் அல்லது பிற கூட்டாளர்களிடம் இருந்து செய்திகளையும் விளம்பரச் சலுகைகளையும் பெறுவதற்கு.

இந்த நோக்கத்திற்காக உங்கள் பயனர் தரவை நீங்கள் பகிர்வதற்குத் தேர்வுசெய்யலாம். எப்போது வேண்டுமானாலும் உங்கள் முடிவை மாற்றிக்கொண்டு இதற்கான ஒப்புதலைத் திரும்பப் பெற்றுக்கொள்ளலாம்.

சேவை வழங்குநர்கள்

• பயனர் தரவு
• முகவரித் தரவு
• பயன்பாட்டுத் தரவு
• குரல் தரவு
• பேமெண்ட் மற்றும் பர்ச்சேஸ் குறித்த தரவு
• கருத்துக்கணிப்பு மற்றும் ஆய்வு தொடர்பான தரவு

இதன் மூலம் Spotifyக்குத் தங்கள் சேவையை அவர்கள் வழங்க முடியும்.

பின்வருவனவற்றுக்காக நாங்கள் பணியமர்த்தியவர்களும் சேவை வழங்குநர்களில் அடங்குவார்கள்:

• வாடிக்கையாளர்களுக்கு உதவி வழங்குவதற்கு
• Spotify சேவையை வழங்குவதற்காகத் தொழில்நுட்ப உள்கட்டமைப்பை இயக்குவதற்கு
• எங்கள் சிஸ்டங்களையும் சேவைகளையும் பாதுகாக்க உதவுவதற்கு (எ.கா. Googleளின் reCAPTCHA சேவை)
• Spotifyயின் (மற்றும் எங்கள் கூட்டாளர்களின்) தயாரிப்புகள், சேவைகள், நிகழ்வுகள், சலுகைகள் ஆகியவற்றைச் சந்தைப்படுத்த உதவுவதற்கு

பேமெண்ட் கூட்டாளர்கள்

• பயனர் தரவு
• பேமெண்ட் மற்றும் பர்ச்சேஸ் குறித்த தரவு

இதன் மூலம் உங்கள் பேமெண்ட்டுகளை அவர்கள் செயலாக்க முடியும் மற்றும் மோசடி தடுப்பு நோக்களுக்காகவும் தரவு பகிரப்படுகிறது.

விளம்பரக் கூட்டாளர்கள்

• பயனர் தரவு
• பயன்பாட்டுத் தரவு

இதன் மூலம் Spotify சேவையில் மிகவும் தொடர்புடைய விளம்பரங்களை உங்களுக்கு வழங்கவும் விளம்பரங்களின் செயல்திறனை அளவிடவும் அவர்கள் எங்களுக்கு உதவ முடியும்.

உதாரணமாக, பிரத்தியேக விளம்பரங்களை வழங்குவதற்கு விளம்பரக் கூட்டாளர்கள் உதவுகின்றனர்.

சந்தைப்படுத்துதல் கூட்டாளர்கள்

• பயனர் தரவு
• பயன்பாட்டுத் தரவு

எங்கள் கூட்டாளர்களிடம் Spotifyயை விளம்பரப்படுத்துவதற்கு. இதுபோன்ற தேவைப்படும் சூழல்களில் இந்தக் கூட்டாளர்களுடன் நாங்கள் குறிப்பிட்ட சில பயனர் தரவு மற்றும் பயன்பாட்டுத் தரவை பகிர்வோம்:

• சோதனைகள், பிற தொகுக்கப்பட்ட சலுகைகள் உட்பட Spotify சலுகைகளில் பங்கேற்பதற்கு உங்களை அனுமதித்தல்
• ஊடகங்களில் Spotifyயை விளம்பரப்படுத்துதல் மற்றும் ஆன்லைன் சேவைகளில் விளம்பரங்களை வெளியிடுதல்
• Spotify விளம்பரங்களின் செயல்திறனை அளவிடுவதற்கு எங்களுக்கும் எங்கள் கூட்டாளர்களுக்கும் உதவுதல்

கூட்டாளர்களுக்கான உதாரணங்கள்:

• சந்தைப்படுத்துதல் அல்லது நிதி உதவியளிக்கும் கூட்டாளர்கள்
• தங்கள் சேவைகளில் விளம்பரங்களுக்கான இடத்தை விற்கக்கூடிய இணையதளங்கள் மற்றும் மொபைல் செயலிகள்
• Spotify விளம்பரங்களை வழங்கக்கூடிய சாதனம், செயலி மற்றும் மொபைல் கூட்டாளர்கள்

உங்களைப் பற்றி எங்கள் கூட்டாளர்கள் சேகரிக்கும் பிற தரவுடன் நாங்கள் வழங்கும் தனிப்பட்ட தரவையும் அவர்கள் சேர்க்கக்கூடும், எ.கா. அவர்கள் சேவைகளை நீங்கள் பயன்படுத்துவது. உங்களுக்குப் பொருத்தமானதாக இருக்கும் என நாங்கள் கருதக்கூடிய சலுகைகள், விளம்பரங்கள், பிற சந்தைப்படுத்துதல் செயல்பாடுகள் போன்றவற்றை உங்களுக்கு வழங்குவதற்காக நாங்களும் எங்கள் கூட்டாளர்களும் இந்தத் தகவல்களைப் பயன்படுத்தக்கூடும்.

ஹோஸ்டிங் பிளாட்ஃபார்ம்கள்

• பயன்பாட்டுத் தரவு

பாட்காஸ்ட்டுகளை ஹோஸ்ட் செய்வதன் மூலம் ஹோஸ்டிங் தளங்கள் அவற்றை உங்களுக்கு வழங்குகின்றன. பாட்காஸ்ட்டை நீங்கள் பிளே செய்யும்போது ஹோஸ்டிங் தளங்களுக்கு IP முகவரி போன்ற குறிப்பிட்ட சில தரவை நாங்கள் பகிர்வோம். மேலும் Spotifyக்குச் சொந்தமில்லாத பிற ஹோஸ்டிங் தளங்களில் உள்ள பாட்காஸ்ட்டுகளை ஸ்ட்ரீம் செய்வதற்கும் உங்களை அனுமதிப்போம்.

எந்தத் தளம் பாட்காஸ்ட்டை ஹோஸ்ட் செய்கிறது என்பதை நிகழ்ச்சி அல்லது எப்பிசோடின் விளக்கத்தில் பாட்காஸ்ட் வழங்குநர்கள் விளக்க வேண்டும். தங்களுடன் பகிரப்படும் தரவை ஹோஸ்டிங் தளங்கள் எவ்வாறு பயன்படுத்துகின்றன என்பதை அறிய அவற்றின் சொந்தத் தனிமையுரிமைக் கொள்கையைப் பாருங்கள்.

கல்வி ஆராய்ச்சியாளர்கள்

• பயனர் தரவு
• பயன்பாட்டுத் தரவு

புள்ளிவிவரப் பகுப்பாய்வு, கல்விசார் ஆய்வு போன்ற செயல்பாடுகளுக்கு, அடையாளம் நீக்கப்பட்ட வடிவமைப்பில் மட்டுமே தரவு வழங்கப்படும். அடையாளம் நீக்கப்பட்ட தரவு என்பது உங்கள் பெயர் அல்லது உங்களை நேரடியாக அடையாளம் காட்டும் பிற தகவல்களைக் குறியீடாக மாற்றி வழங்கும் தரவாகும்.

Spotify வாங்கும் நிறுவனங்கள் உட்பட பிற Spotify குழும நிறுவனங்கள்

• பயனர் தரவு
• முகவரித் தரவு
• பயன்பாட்டுத் தரவு
• குரல் தரவு
• பேமெண்ட் மற்றும் பர்ச்சேஸ் குறித்த தரவு
• கருத்துக்கணிப்பு மற்றும் ஆய்வு தொடர்பான தரவு

தினசரி வணிகச் செயல்பாடுகளை மேற்கொள்வதற்கும், அவற்றின் மூலம் Spotify சேவையையும் வாங்கப்பட்ட நிறுவனங்களின் சேவைகளையும் உங்களுக்கு வழங்குவதற்கும் அவற்றைப் பராமரிப்பதற்கும் மேம்படுத்துவதற்கும்.

உதாரணமாக:

• Spotify சேவைக்கான அம்சங்களை உருவாக்கவும் மேம்படுத்தவும் வெவ்வேறு குழும நிறுவனங்களுக்காகப் பணியாற்றும் எங்கள் ஊழியர்களுக்கு உதவுதல்
• Spotify சேவையில் காட்டப்படும் விளம்பரங்களின் செயல்திறனை அளவிடுவதற்காக எங்கள் அளவீட்டு நிறுவனங்களுடன் தரவைப் பகிர்தல்
• பயனரின் கேட்டல் செயல்பாட்டை நன்குப் புரிந்துகொள்ள எங்கள் பாட்காஸ்ட் நிறுவனங்களுடன் தரவைப் பகிர்தல்

வழக்கு விசாரணையில் தொடர்புடைய சட்ட அமலாக்கத் துறை மற்றும் பிற ஆணையங்கள் அல்லது பிற தரப்பினர்

• பயனர் தரவு
• பயன்பாட்டுத் தரவு

நன்னம்பிக்கையின் அடிப்படையில் நாங்கள் இவற்றைச் செய்ய வேண்டியது அவசியம் எனக் கருதும் சூழல்களில், உதாரணமாக:

• சட்டப்பூர்வக் கடமையுடன் இணங்குதல்
• சரியான சட்டபூர்வச் செயல்முறைக்கு ஒத்துழைத்தல் (தேடுதல் ஆணை, நீதிமன்ற உத்தரவு, சம்மன் போன்றவை)
• பின்வருவனவற்றுடன் தொடர்புடைய எங்களின் சொந்த அல்லது மூன்றாம் தரப்பின் நியாயமான நோக்கங்களுக்காக:
  • தேசியப் பாதுகாப்பு
  • சட்ட அமலாக்கம்
  • வழக்காடுதல் (நீதிமன்ற வழக்கு)
  • குற்றவியல் விசாரணை
  • ஒருவரின் நலனைப் பாதுகாத்தல்
  • மரணம் அல்லது உடலில் கடுமையான காயம் ஏற்படுவதைத் தடுத்தல்

எங்கள் வணிகத்தை வாங்குபவர்கள்

• பயனர் தரவு
• முகவரித் தரவு
• பயன்பாட்டுத் தரவு
• குரல் தரவு
• பேமெண்ட் மற்றும் பர்ச்சேஸ் குறித்த தரவு
• கருத்துக்கணிப்பு மற்றும் ஆய்வு தொடர்பான தரவு

வாங்குபவர் அல்லது வாங்கக்கூடிய சாத்தியம் உள்ளவருக்கு எங்கள் வணிகத்தை விற்றால் அல்லது விற்பதற்காகப் பேச்சுவார்த்தை நடத்தினால்.

இது போன்ற சமயத்தில், வணிகப் பரிமாற்றத்தின் ஒரு பகுதியாக உங்கள் தனிப்பட்ட தரவை வணிக வாங்குபருக்கோ இணை நிறுவனத்திற்கோ நாங்கள் பரிமாற்றக்கூடும்.