Spotify को प्रयोगका सर्तहरू

१. परिचय

२. हामीद्वारा प्रदान गरिएको Spotify सेवा।

३. Spotify सेवाको तपाईंको प्रयोग

४. सामग्री र बौद्धिक सम्पत्ति अधिकार

५. ग्राहक सहायता, जानकारी, प्रश्न र गुनासो

६. समस्या र विवादहरू

७. यी सर्तहरूको बारेमा

१. परिचय

कृपया यी प्रयोगका सर्तहरू (यी** "सर्तहरू**") ध्यानपूर्वक पढ्नुहोस् किनकि यिनले यी सर्तहरू (सामूहिक रूपमा भन्नुपर्दा "Spotify सेवा") समावेश गर्ने वा यिनीसँग गाँसिएका हाम्रा सबै एप र वेबसाइटका साथै कुनै पनि संगीत, भिडियो, पोडकास्ट वा Spotify सेवा ("सामग्री") मार्फत उपलब्ध गराइने कुनै पनि सामग्रीलगायतका संगीत र अन्य सामग्री स्ट्रिम गर्नका निम्ति तपाईंद्वारा गरिने Spotify का वैयक्तीकृत सेवाहरूको प्रयोगलाई नियन्त्रित गर्दछन्।

Spotify सेवाको प्रयोग Spotify द्वारा प्रस्तुत अतिरिक्त सर्तहरूको अधीनमा हुन सक्छ जुन यस सन्दर्भमार्फत यसैसाथ यी सर्तहरूमा समावेश गरिएका छन्।

Spotify सेवामा साइन अप गरेर वा अन्य कुनै पनि तरिकाले यस सेवाको प्रयोग गरेर तपाईं यी सर्तहरूमा सहमति जनाउनुहुन्छ। यदि तपाईं यी सर्तहरूमा सहमत हुनुहुन्न भने तपाईंले Spotify सेवा प्रयोग गर्नु हुँदैन वा कुनै सामग्रीमाथि पहुँच राख्नु हुँदैन।

सेवा प्रदायक

यी सर्तहरू तपाईं र Spotify AB, Regeringsgatan 19, 111 53, Stockholm, Sweden बीचका हुन्।

उमेर र योग्यताका मापदण्डहरू

Spotify सेवा प्रयोग गर्न र कुनै पनि सामग्रीमाथि पहुँच राख्नका निम्ति तपाईं (१) १३ वर्षको (वा तपाईंको गृह देशको न्यूनतम आवश्यक उमेर बराबर ) वा अधिक उमेरको हुनुपर्दछ, (२) यदि तपाईं आफ्नो गृह देशमा नाबालिगमा पर्नुहुन्छ भने अभिभावक वा अभिभावकको सहमति हुनुपर्दछ; (३) हामीसँगको बाध्यकारी सम्झौतामा प्रवेश गर्न मिल्ने अधिकार हुनुपर्दछ तथा कुनै लागू कानुनअन्तर्गत यसो गर्नबाट प्रतिबन्ध लगाइएको हुनु हुँदैन र (४) तपाईं यो सेवा उपलब्ध भएको देशमा निवास गर्नुपर्ने हुन्छ। तपाईं Spotify मा तपाईंले पेस गर्नुभएको कुनै पनि दर्तासम्बन्धी जानकारी सत्य, सही र पूर्ण छ भन्ने तथा तपाईं यसलाई सधैँ यस्तै राख्ने वचन पनि दिनुहुन्छ। यदि तपाईं आफ्नो देशमा नाबालिगमा गनिनुहुन्छ भने यी सर्तहरूमा तपाईंका तर्फबाट तपाईंको अभिभावक वा अभिभावकले प्रवेश गर्नुपर्ने हुन्छ। तपाईं दर्ता प्रक्रियामा न्यूनतम उमेरसम्बन्धी मापदण्डको बारेमा थप जानकारी पाउन सक्नुहुन्छ। यदि तपाईं न्यूनतम उमेरको मापदण्ड पूरा गर्नुहुन्न भने Spotify तपाईंलाई प्रयोगकर्ताको रूपमा दर्ता गर्न असक्षम हुनेछ।

२. हामीद्वारा प्रदान गरिएको Spotify सेवा।

Spotify सेवाका विकल्पहरू

हामी Spotify सेवाका अनेक विकल्पहरू प्रदान गर्दछौँ। Spotify सेवाका केही निश्चित विकल्पहरू निःशुल्क रूपमा उपलब्ध गराइन्छ भने अन्य विकल्पहरूमाथि भुक्तानी गरेपछि ("सशुल्क सदस्यताहरू") मात्र पहुँच राख्न मिल्छ। हामी तेस्रो पक्षका उत्पादन र सेवाहरूका प्रस्तावसहित विशेष प्रचारसम्बन्धी योजना, सदस्यता वा सेवाहरू पनि पेस गर्न सक्दछौँ। यस्ता तेस्रो पक्षहरूद्वारा प्रदान गरिएका उत्पादन र सेवाहरूको लागि हामी जिम्मेवार हुँदैनौँ।

असीमित सेवा सबै प्रयोगकर्ताहरूका लागि उपलब्ध नहुन सक्छ। तपाईंले सेवाहरूमा साइन अप गर्दा हामी तपाईंको लागि कुनकुन सेवाहरू उपलब्ध छन् भनेर वर्णन गर्नेछौँ। यदि तपाईंले असीमित सेवाको सदस्यता रद्द गर्नुभयो वा यदि असीमित सेवाको तपाईंको सदस्यतामा कुनै अवरोध भयो (उदाहरणका लागि तपाईंले आफ्नो भुक्तानीको विवरण परिवर्तन गर्नुभयो) भने तपाईं असीमित सेवाको पुनः सदस्यता लिन असक्षम पनि हुन सक्नुहुन्छ। असीमित सेवा भविष्यमा बन्द हुन सक्छ, यस्तो अवस्थामा तदुपरान्त तपाईंलाई उक्त सेवाको शुल्क तिर्न लगाइने छैन भन्ने कुरा ध्यानमा राख्नुहोला।

परीक्षणात्मक प्रयोगहरू

समय समयमा हामीले वा हाम्रो तर्फबाट अरूले भुक्तानीबिनाका सदस्यता वा कम मूल्यदरमा (एक "परीक्षणात्मक प्रयोग") एक निश्चित अवधिका सशुल्क सदस्यताहरूका परीक्षणहरूको प्रस्ताव राख्न सक्छौँ। परीक्षणात्मक प्रयोगको सेवा प्रयोग गरेर तपाईं Spotify प्रिमियम प्रचारसम्बन्धी प्रस्तावका सर्तहरूमा सहमति जनाउनुहुन्छ।

तेस्रो-पार्टीका अनुप्रयोगहरू, यन्त्रहरू र ओपन सोर्स सफ्टवेयर

Spotify सेवा तेस्रो पक्षका अनुप्रयोग, वेबसाइट र सेवाहरू ("तेस्रो पक्षका अनुप्रयोग") सँगसँगै तेस्रो पक्षका व्यक्तिगत कम्प्युटर, मोबाइल ह्यान्डसेट, ट्याब्लेट, वेरेबल यन्त्र, स्पिकर र अन्य यन्त्रहरू ("यन्त्रहरू") सँग एकीकृत हुन सक्छ वा यसले तिनीहरूसँग अन्य तरिकाले अन्तर्क्रिया गर्न सक्दछ। यस्ता तेस्रो पक्षका अनुप्रयोग र यन्त्रहरूको तपाईंको प्रयोग लागू हुने तेस्रो पक्षद्वारा तपाईंलाई प्रदान गरिएका अतिरिक्त नियम, सर्त र नीतिहरूको अधीनमा हुन सक्छ। Spotify ले तेस्रो पक्षका अनुप्रयोग र यन्त्रहरू Spotify को सेवा प्रयोग गर्न मिल्ने खाले नै हुने छन् भन्ने कुराको ग्यारन्टी दिँदैन।

सेवाका सीमितता र परिमार्जनहरू

हामी Spotify सेवाको परिचालन गर्न र तपाईंलाई एक व्यक्तिगत, इमर्सिभ अडियो अनुभव प्रदान गर्न उचित हेरचाह र कौशल प्रयोग गर्छौँ। यद्यपि हाम्रो सेवाका प्रस्तावहरू र तिनको उपलब्धता समय-समयमा परिवर्तन हुन सक्छ र यो परिवर्तन तपाईंप्रति कुनै दायित्वबिना नै लागू कानुनको अधीनमा हुन सक्छ, उदाहरणका लागि:

• सान्दर्भिक कानुन र नियामकीय मापदण्डहरूमा परिवर्तन प्रतिबिम्बित गर्नुपर्ने आवश्यकतालगायताका प्राविधिक कठिनाइ, रखरखाव वा परीक्षण अथवा अपडेटहरूका कारण Spotify का सेवाहरूले अस्थायी रोकावटहरूको सामना गर्न सक्छन्।
• हामी हाम्रा सेवाहरू निरन्तर विकसित र सुधार गर्ने लक्ष्य राख्छौँ र हामी Spotify सेवा (विशेष फंक्शन, सुविधा, सदस्यता योजना र प्रचारसम्बन्धी प्रस्तावहरूसहित) का सबै अंशहरू प्रदान गर्न (स्थायी वा अस्थायी रूपमा) परिमार्जन गर्न, निलम्बन गर्न वा रोक्न सक्छौँ।
• Spotify ले Spotify सेवामार्फत कुनै विशेष सामग्री प्रदान गर्नुपर्ने कुनै बाध्यता छैन र Spotify वा लागू मालिकले कुनै गीत, भिडियो, पोडकास्ट र अन्य सामग्री सूचनाबिनै हटाउन सक्दछ।

यदि तपाईंसँग Spotify ले तपाईंको प्रि-पेड अवधिको (तलको भुक्तानी र क्यान्सिलेशन खण्डमा परिभाषित गरिएअनुसार) अन्त्यभन्दा अघि नै सेवा बन्द गरेको कुनै सशुल्क सदस्यताको प्रिपेड शुल्क सोझै Spotify बाट लिनुपर्ने छ भने Spotify ले यस्तो सेवा समाप्तिपछि तपाईंलाई तात्कालिक सशुल्क सदस्यताको कुनै पनि अप्रयुक्त अंशको प्रि-पेड अवधिको प्रिपेड शुल्क फिर्ता गर्नेछ। हामीले रकम फिर्ता गर्नका निम्ति तपाईंको खाता र बिलिङसम्बन्धी जानकारी अनिवार्य रूपमा अप-टु-डेट हुनुपर्छ।

सरकारी अधिकारी वा अन्य तेस्रो पक्षहरूको कारबाही वा हाम्रो नियन्त्रणबाहिरका घटनाहरूका कारण हुने इन्टरनेट वा अन्य सेवा अनुपलब्धता वा असफलताहरूको सम्बन्धमा तपाईंलाई रकम फिर्ता गर्नुपर्ने Spotify को न त कुनै दायित्व हुनेछ, न कुनै बध्यता नै हुनेछ।

३. Spotify सेवाको तपाईंको प्रयोग

Spotify खाता सिर्जना गर्ने

Spotify सेवाको सबै वा केही भाग प्रयोग गर्नका लागि तपाईंले Spotify खाता सिर्जना गर्नुपर्ने हुनसक्छ। तपाईंको प्रयोगकर्ता नाम र पासवर्ड तपाईंको व्यक्तिगत प्रयोगका लागि मात्र हो र त्यो गोप्य राख्नु पर्छ। तपाईं आफ्नो प्रयोगकर्ता नाम र पासवर्डको सबै प्रकारको प्रयोग (कुनै अनधिकृत प्रयोगसहित) का लागि तपाईं आफै जिम्मेवार हुनुहुन्छ भन्ने कुरा बुझ्नुहुन्छ। यदि तपाईंको प्रयोगकर्तानाम वा पासवर्ड हराएको वा चोरी भएको छ वा यदि तपाईंलाई तपाईंको खातामा अनाधिकृत पहुँच राखिएको छ भन्ने लाग्छ भने हाम्रो ग्राहक सेवा टोलीलाई तत्काल सूचित गर्नुहोस्।

Spotify ले कुनै पनि कारणको लागि तपाईंको प्रयोगकर्ता नाममा पुनः दाबी गर्न सक्छ, वा तपाईंले त्यो परिवर्तन गर्न आवश्यक बनाउन सक्छ।

Spotify को सेवा प्रयोग गर्ने तपाईंका अधिकारहरू

Spotify का सेवाहरूमाथिको प्रयोग

यी सर्तहरूसँग अनुपालनको अधीनमा (लागू हुने कुनै पनि अन्य नियम र सर्तहरूसहित), हामी तपाईंलाई Spotify सेवा र सामग्रीको व्यक्तिगत, गैर-व्यावसायिक प्रयोग (सामूहिक रूपमा "पहुँच") को लागि सीमित, गैर-विशिष्ट, रद्द गर्न मिल्ने अनुमति प्रदान गर्दछौँ। तपाईं वा Spotify द्वारा समाप्त नगरिएसम्म र नगरुञ्जेल यो पहुँच प्रभावमा रहनेछ। तपाईं आफूले Spotify सेवा वा सामग्री पुनर्वितरण वा स्थानान्तरण नगर्ने कुरामा सहमति जनानुहुन्छ।

Spotify सफ्टवेयरका अनुप्रयोग र सामग्री लाइसेन्सप्राप्त छन्, यी कुराहरू तपाईंलाई बिक्री वा हस्तान्तरण गरिएको छैन र तपाईंका यन्त्रहरूमा स्थापनापछि पनि Spotify सफ्टवेयरका अनुप्रयोग र सामग्रीका सबै प्रतिलिपिहरूको स्वामित्व Spotify र यसका लाइसेन्सरहरूसँग हुन्छ।

Spotify को स्वामित्वसम्बन्धी अधिकारहरू

Spotify को सेवा र सामग्री Spotify वा Spotify का लाइसेन्सरहरूका सम्पत्ति हुन्। Spotify का सबै ट्रेडमार्क, सेवा चिन्ह, व्यापारका नाम, लोगो, डोमेन नाम र Spotify ब्रान्डको कुनै पनि अन्य सुविधा ("Spotify ब्रान्डका सुविधाहरू") Spotify वा यसको लाइसेन्सरहरूका मात्र सम्पत्ति हुन्। यी सर्तहरूले तपाईंलाई कुनै Spotify ब्रान्डका सुविधाहरू प्रयोग गर्ने कुनै अधिकार दिँदैनन् चाहे त्यो वाणिज्यिक प्रयोग होस् वा गैर-व्यावसायिक प्रयोग।

तपाईं Spotify प्रयोगकर्ता दिशानिर्देशहरू को पालना गर्ने र यी सर्तहरूद्वारा स्पष्ट रूपमा अनुमति नदिइएको कुनै पनि तरिकाले Spotify सेवा, सामग्री वा यसको कुनै पनि अंशको प्रयोग नगर्ने कुरामा सहमत हुनुहुन्छ।

भुक्तानी र क्यान्सिलेशन

बिलिङ

तपाईं सोझै Spotify बाट वा निम्नमध्ये कुनै तरिकाले कुनै तेस्रोपक्षमार्फत सशुल्क सदस्यता खरिद गर्न सक्नुहुन्छ:

● अग्रिम रूपमा मासिक आधारमा वा खरिदअघि तपाईंलाई खुलासा गरिएका अन्य पुनरावर्ती समय अन्तरालहरूमा सदस्यता शुल्क तिरेर; वा

● तपाईंलाई एउटा विशेष समयावधि ("प्रि-पेड अवधि") का लागि Spotify का सेवाहरूमाथिको पहुँच दिने अग्रिम भुक्तानीमार्फत।

करका दरहरू तपाईंले प्रदान गर्नुभएको जानकारी र तपाईंको मासिक शुल्कको समयमा लागू दरको आधारमा गणना गरिन्छ।

यदि तपाईंले तेस्रो पक्षमार्फत सशुल्क सदस्यतामाथिको पहुँच खरिद गर्नुभयो भने Spotify सेवाको तपाईंको प्रयोगमा यी सर्तहरूबाहेक त्यस्ता तेस्रो पक्षहरूसँग भएका अलगै नियम तथा सर्तहरू लागू हुन सक्छन्। यदि तपाईं कोड, गिफ्ट कार्ड, प्रि-पेड अफर वा सशुल्क सदस्यतामाथिको ("कोडहरू") पहुँचका लागि Spotify द्वारा वा यसको तर्फबाट प्रदान गरिएका वा बेचिएका अन्य अफरहरू प्रयोग गरी सशुल्क सदस्यता खरिद गर्नुहुन्छ भने तपाईं Spotify कार्डका सर्तहरू मा सहमत हुनुहुन्छ।

मूल्य र करमा परिवर्तनहरू

Spotify ले समयसमयमा पुनरावर्ती सदस्यता शुल्क, पि-पेड अवधि (अझै भुक्तानी नगरिएको अवधि) वा कोड (माथि परिभाषित गरिएको) लगायतका सशुल्क सदस्यताहरूको मूल्य परिवर्तन गर्न सक्छ र कुनै पनि मूल्य परिवर्तन भएमा अग्रिम रूपमा उचित सूचनामार्फत तपाईंलाई जानकारी दिइनेछ। मूल्य परिवर्तनहरू मूल्य परिवर्तनको मिति पछिको अर्को सदस्यता अवधिको सुरुवातमा लागू हुनेछन्। लागू कानुनको अधीनमा रहँदै, मूल्य परिवर्तन लागू भएपछि Spotify को सेवा प्रयोग गर्न जारी राखेर तपाईंले नयाँ मूल्य स्वीकार गर्नुहुनेछ। यदि तपाईं मूल्य परिवर्तनप्रति सहमत हुनुहुन्न भने तपाईं मूल्य परिवर्तन प्रभावी हुनुअघि लागू हुने सशुल्क सदस्यताबाट सदस्यता रद्द गरेर उक्त परिवर्तन अस्वीकार गर्न सक्नुहुन्छ।

करका दरहरू तपाईंको मासिक शुल्कको समयमा लागू दरमा आधारित हुन्छन्। समय बित्दै जाँदा यी रकमहरू तपाईंको देश, राज्य, क्षेत्र वा सहरको स्थानीय कर मादण्डहरूको साथमा परिवर्तन हुँदै जान सक्दछन्। कर दरमा हुने कुनै पनि परिवर्तन स्वचालित रूपमा तपाईंले प्रदान गर्नुभएको खाता जानकारीको आधारमा लागू हुनेछ

नवीकरण र क्यान्सिलेशन

प्रि-पेड अवधिको सशुल्क सदस्यताको अपवादबाहेक, तपाईंले तात्कालिक सदस्यता अवधिको अन्त्यभन्दा पहिले नै आफ्नो सशुल्क सदस्या रद्द नगरुञ्जेल, Spotify लाई र तपाईंले जसको माध्यमबाट सशुल्क सदस्यता खरिद गर्नुभयो त्यो तेस्रो पक्षलाई जाने तपाईंको भुक्तानी स्वचालित रूपमा लागू सदस्यता अवधिको अन्त्यमा नवीकरण हुनेछ। रद्द गर्ने तरिकाको बारेमा निर्देशनहरूका लागियहाँ हाम्रो ग्राहक सहायता टोलीलाई सम्पर्क गर्नुहोस्। यो क्यान्सिलेशन हालको सदस्यता अवधिको अन्तिम दिनको भोलिपल्टबाट प्रभावी हुनेछ र तपाईंलाई Spotify सेवाको निःशुल्क संस्करणमा डाउनग्रेड गरिनेछ। हामी यी सर्तहरूमा स्पष्ट रूपमा उल्लेख गरिएको बाहेक कुनै पनि आंशिक सदस्यता अवधिको फिर्ता रकम र क्रेडिट प्रदान गर्दैनौँ।

यदि तपाईंले कोड प्रयोग गरी सशुल्क सदस्यता खरिद गर्नुभएको छ भने तपाईंको सदस्यता उक्त कोडमा उल्लेख गरिएको अवधिको अन्तमा वा Spotify सेवामा भुक्तानी गर्नका लागि अपर्याप्त प्रि-पेड ब्यालेन्स हुँदा स्वचालित रूपमा समाप्त हुनेछ।

सहमति फिर्ता लिने अधिकार

यदि तपाईं परीक्षणात्मक प्रयोगका लागि साइन अप गर्नुहुन्छ भने तपाईं जुन सशुल्क सदस्यताका लागि परीक्षणात्मक प्रयोग पाउँदै हुनुहुन्छ त्यसबाट सहमति फिर्ता लिने अधिकार तपाईं आफूले परीक्षणात्मक प्रयोग सुरु गरेको चौध (१४) दिनपछि अन्त्य हुनेछ भन्ने कुरामा सहमति जनाउनुहुन्छ। यदि तपाईं परीक्षणात्मक प्रयोग समाप्त हुनुअघि सशुल्क सदस्यता रद्द गर्नुहुन्न भने तपाईं सहमति फिर्ता लिने आफ्नो अधिकार गुमाउनुहुन्छ र तपाईं आफूले सशुल्क सदस्यता रद्द नगरुञ्जेल Spotify लाई स्वचालित रूपमा हरेक महिनामा तपाईंबाट सहमतिअनुसारको मूल्य असुली गर्ने अधिकार दिनुहुन्छ। चौध (१४) दिनभन्दा कमका परीक्षणात्मक प्रयोगको सम्बन्धमा भन्नुपर्दा, तपाईं आफ्नो परीक्षणात्मक प्रयोग समाप्त भएलगत्तै तपाईंलाई सशुल्क सेवा प्रदान गर्ने कुरामा र त्यस समयपछि तपाईं सहमति फिर्ता लिने आफ्नो अधिकार गुमाउने कुरामा स्पष्ट रूपमा हामीसँग सहमत हुनुहुन्छ।

यदि तपाईं कुनै परीक्षणात्मक प्रयोगबिना सशुल्क सदस्यता खरिद गर्नुहुन्छ भने कुनै पनि कारणले सहमति फिर्ता लिनका लागि तपाईंसँग आफ्नो खरिदपछिको (१४) दिनको समय हुनेछ र तपाईंले हामीलाई आफ्नो मन बदलिएको कुरा बताउञ्जेलसम्म प्रदान गरिएका सेवाहरूका लागि तपाईंले अनिवार्य रूपममा हामीलाई भुक्तानी गर्नुपर्ने हुन्छ भन्ने कुरामा सहमति जनाउनुहुन्छ। . तपाईं तपाईंको खरिदपछि तुरुन्तै तपाईंलाई उक्त सेवा प्रदान गरिने कुरामा, तपाईं सहमति फिर्ता लिने आफ्नो अधिकार गुमाउनुहुन्छ भन्ने कुरामा हामलाई स्पष्ट सहमति दिनुहुन्छ र Spotify लाई तपाईंले सदस्यता रद्द नगरुञ्जेले हरेक महिना स्वचालित रूपमा तपाईंबाट शुल्क असुली गर्ने अधिकार दिनुहुन्छ।

प्रयोगकर्ता मार्गदर्शन

हामी Spotify को सेवा सबैका लागि रमाइलो बनिरहोस् भन्ने कुरा सुनिश्चित गर्नका लागि Spotify को सेवा प्रयोग गर्ने मार्गदर्शनहरूको स्थापना गरेका छौँ ("Spotify प्रयोगकर्ता मार्गदर्शन")। Spotify को सेवा प्रयोग गर्ने क्रममा तपाईंले अनिवार्य रूपमा Spotify प्रयोगकर्ता मार्गदर्शन का साथसाथै लागू हुने कानुन, नियम र अधिनियमहरूको पालना गर्नुपर्छ र तेस्रो पक्षका बौद्धिक सम्पत्ति, गोपनीयता र अन्य अधिकारहरूको सम्मान गर्नुपर्छ।

ब्रान्डका खाताहरू

यदि तपाईं कुनै कम्पनी, संस्था, निकाय वा ब्रान्डको (एउटा "ब्रान्ड" र यस्तो खाताको "ब्रान्डको खाता") तर्फबाट Spotify खाता स्थापना गर्नुहुन्छ भने यी सर्तहरूमा (यसै सन्दर्भमार्फत समावेश गरिएका Spotify का नियम र सर्तहरूसहित) "तपाईं" र "तपाईंको" को रूपमा प्रयोग गरिएका शब्दहरू तपाईं र उक्त ब्रान्ड दुवैमा लागू हुन्छन्।

यदि तपाईं कुनै ब्रान्डको खाता सिर्जना गर्नुहुन्छ भने तपाईं यी सर्तहरूमा प्रदान गरिएका सबै अनुमति र लाइसेन्सहरू प्रदान गर्न (कुनै पनि अन्य लागू Spotify नियम र सर्तहरू सहित) र यी सर्तहरूमा ब्रान्डलाई सम्बद्ध गर्न आफू अधिकृत भएको दर्शाउनुहुन्छ र प्रमाणित गर्नुहुन्छ।

ब्रान्डले प्रयोगकर्ताहरूलाई फलो गर्न सक्नुका साथै प्लेलिस्टहरू सिर्जना र साझा गर्न सक्दछ, तर उक्त ब्राण्डले स्वतन्त्र रूपमा यस्तो अनुमोदन जनाउने अधिकार प्राप्त नगरेसम्म त्यो ब्रान्डले ब्रान्ड र फलो गरिएको प्रयोगकर्ता, कलाकार, गीतकार वा कुनै अन्य व्यक्तिको बीचमा अनुमोदन वा व्यावसायिक सम्बन्ध जनाउने कुनै पनि कदम चाल्ने छैन। यसका अतिरिक्त, ब्रान्डहरू कलाकार, गीतकार, प्रयोगकर्ता वा कुनै पनि अन्य पक्षलाई प्रदान गरिएको अनुमोदन वा विचारको बारेमा हाम्रा प्रयोगकर्ताहरूप्रति पारदर्शी हुनुपर्दछ र माथि उल्लेख गरिएका अभ्यासहरूमा संलग्न भएको बेला लागू हुने सबै कानुन, अधिनियम र अभ्यास संहिताको पालना गर्नुपर्दछ।

निर्यातसम्बन्धी नियन्त्रण र प्रतिबन्ध

Spotify का उतपादनहरू संयुक्त राज्य अमेरिकाका निर्यात तथा पुनर्निर्यात नियन्त्रण कानुन र अधिनियम वा संयुक्त राज्य अमेरिकाकाको वाणिज्य विभागको रेखदेखमा रहेको निर्यात प्रशासन अधिनियम ("EAR"), ट्रेजरी विभागको विदेशी सम्पत्ति नियन्त्रणको कार्यालय ("OFAC") को रेखदेखमा रहेका व्यापारिक र आर्थिक प्रतिबन्ध तथा राज्य विभागको रेखदेखमा रहेको हातहतियार अधिनियममा अन्तर्राष्ट्रिय यातायात ("ITAR") लगायतका विभाग जस्ता अन्य न्यायाधिकार क्षेत्रमा लागू हुने यस्तै खाले कानुनको अधीनमा हुन सक्छन्। तपाईं तपाईं (१) कुनै पनि त्यस्तो देशमा अवस्थित हुनुहुन्न जहाँ संयुक्त राज्य अमेरिकाले सामान निषेधा गरेको छ वा अन्य कुनै प्रकारको आर्थिक प्रतिबन्ध लगाएको छ; र (२) जुन कुनै पनि लागू निर्यात वा पुनर्निर्यात कानुन वा नियम वा अन्य कानुनमा लागू समान कानुनमा निर्दिष्ट गरिएको छ वा अन्य कुनै अमेरिकी सरकारको प्रतिबन्धित वा प्रतिबन्धित दलहरूको सूचीमा सूचीबद्ध अस्वीकृत पक्ष होइन भन्ने कुरा आश्वस्त गर्नुहुन्छ।

तपाईं लागू हुने सबै निर्यात र पुनर्निर्यात नियन्त्रण कानुन र नियमहरूको पालना गर्ने कुरामा सहमति जनाउनुहुन्छ जसमा EAR र OFAC रेखदेखमा रहेका व्यापारिक र आर्थिक प्रतिबन्धहरू पर्दछन्, तर यो यिनीहरूमा मात्र सीमित छैन। विशेष रूपमा, तपाईं प्रत्यक्ष वा अप्रत्यक्ष रूपमा यी सर्तहरूको अधीनमा रहेर Spotify बाट प्राप्त गरिएको कुनै पनि उत्पादन, सफ्टवेयर वा प्रविधि (यस प्रकारको प्रविधिमा आधारित उत्पादनसहित) कुनै पनि गन्तव्य, निकाय वा व्यक्तिलाई EAR, OFAC रेखदेखमा रहेका व्यापारिक र आर्थिक प्रतिबन्धले निषेध गरेको अन्तिम उपयोगका निम्ति वा संयुक्त राज्य अमेरिका वा कुनै पनि अन्य न्यायाधिकार क्षेत्रको लागू कानुन वा ती कानुन र नियमहरूद्वारा आवश्यक सक्षम सरकारी अधिकारीहरूबाट पहिले नै प्राप्त गर्नुपर्ने प्राधिकरण प्राप्त नगरिकन प्रयोग गर्न दिने, बेच्ने, निर्यात गर्ने, पुनर्निर्यात गर्ने, हस्तान्तरण गर्ने, मोड्ने, जारी गर्ने वा अन्य कुनै पनि तरिकाले डिस्पोज गर्ने जस्ता काम नगर्ने कुरामा सहमत हुनुहुन्छ।

४. सामग्री र बौद्धिक सम्पत्ति अधिकार

प्रयोगकर्ताको सामग्री

तपाईंले यस सेवामा पेास्ट गर्ने सामग्री

Spotify प्रयोगकर्ताहरूले Spotify सेवामा सामग्री पोस्ट गर्न, अपलोड गर्न वा अन्य कुनै पनि तरिकाले योगदान पुर्याउन सक्दछन् ("प्रयोगकर्ताको सामग्री")। शङ्काको स्थिति रोक्नका लागि भन्नुपर्दा, "प्रयोगकर्ता सामग्री" मा प्रयोगकर्ताहरूद्वारा Spotify सेवामा(Spotify सहायता समुदाय सहित) थपिएको, सिर्जना गरिएको, अपलोड गरिएको, पेस गरिएको, वितरण गरिएको वा पोष्ट गरिएको सबै जानकारी, सामग्री र अन्य सामग्री पर्दछ।

आफूले पोस्ट गर्ने सबै उपयोगकर्ता सामग्रीका लागि तपाईं स्वयं जिम्मेवार हुनुहुन्छ।

Spotify मा आफूले पोष्ट गर्ने कुनै पनि प्रयोगकर्ता सामग्रीको सन्दर्भमा तपाईं (१) तपाईंसँग त्यस्तो प्रयोगकर्ता सामग्री पोष्ट गर्ने स्वामित्व छ वा अधिकार छ; (२) त्यस्ता प्रयोगकर्ता सामग्री वा Spotify द्वारा तल दिइएको लाइसेन्सबमोजिम यसको प्रयोगले निम्न काम गर्दैन भन्ने वचन दिनुहुन्छ: (क) यी सर्तहरू, लागू कानुन, वा बौद्धिक सम्पत्ति वा कुनै पनि तेस्रो पक्षको अन्य अधिकारहरूको उल्लङ्घन गर्दैन; वा (ख) Spotify वा यस्तो व्यक्ति वा संस्थाबाट पूर्व व्यक्त लिखित सहमति बिना त्यस्तो प्रयोगकर्ता सामग्रीले Spotify वा कुनै पनि कलाकार, ब्यान्ड, लेबल वा अन्य व्यक्ति वा संस्थाको तर्फबाट तपाईं वा तपाईंको प्रयोगकर्ता सामग्रीसँगको कुनै सम्बन्ध वा समर्थनको अर्थ जनाउने छैन।

Spotify सेवामा प्रयोगकर्ता सामग्री वा अन्य जानकारी पोस्ट गर्ने वा साझेदारी गर्ने क्रममा सो सामग्री र अन्य जानकारी सार्वजनिक रूपमा पहुँचयोग्य हुनेछ र Spotify सेवा र वेबका अन्य मानिसहरूद्वारा त्यसको प्रयोग गरिन र त्यो पुनः साझा गरिन सक्ने हुनाले कृपया Spotify सेवामा पोस्ट वा साझा गर्दा सावधानी अपनाउनुहोस् र आफ्नो खाताका सेटिङहरूको बारेमा सावधान रहनुहोस्। तपाईं वा अन्य व्यक्तिले Spotify सेवामा जे कुरा पोष्ट वा साझा गर्नुहुन्छ त्यसका लागि Spotify जिम्मेवार हुँदैन।

प्रयोगकर्ताको सामग्रीको अनुगमन

Spotify ले प्रयोगकर्ताको सामग्रीको अनुगमन वा समीक्षा गर्न सक्छ तर यो कामको कुनै बाध्यता भने हुने छैन। Spotify ले कुनै पनि कारणबिना वा कुनै पनि कारणले कुनै पनि प्रयोगकर्ता सामग्रीमाथिको पहुँच हटाउने वा असक्षम गर्ने अधिकार आफूसँग सुरक्षित राख्छ। Spotify ले तपाईंलाई पूर्वसूचना नदिइकन यी कदमहरू चाल्न सक्छ।

तपाईंले हामीलाई प्रदान गर्ने लाइसेन्स

प्रयोगकर्ताको सामग्री

यस सेवामा आफ्नो प्रयोगकर्ता सामग्री पोस्ट गर्दा त्यसको स्वामित्व तपाईंसँग कायम रहने छ। यद्यपि तपाईंको प्रयोगकर्ता सामग्री Spotify सेवामा उपलब्ध गराउनका निम्ति हामीलाई तपाईंबाट उक्त सामग्रीको सीमित लाइसेन्सको आवश्यकता पर्नेछ। तदनुसार, तपाईं यसैसाथ Spotify लाई पुनरुत्पादन गर्ने, उपलब्ध गराउने, कार्यप्रदर्शन र प्रदर्शन गर्ने, अनुवाद गर्ने, परिमार्जन गर्ने, व्युत्पन्न कार्यहरू सिर्जना गर्ने, वितरण गर्ने र अन्य कुनै पनि माध्यममार्फत त्यस्तो प्रयोगकर्ता सामग्री प्रयोग गर्ने कार्यका लागि एउटा गैर-विशेष, हस्तान्तरण योग्य, सब-लाइसेन्स योग्य, रोयल्टी-मुक्त, पूर्ण भुक्तान गरिएको, अपरिवर्तनीय, विश्वव्यापी लाइसेन्स प्रदान गर्नुहुन्छ, चाहे यो प्रयोग एक्लै होस् वा अन्य सामग्री वा सामग्रीको साथ संयोजनमा नै किन नहोस्, चाहे अहिले ज्ञात होस् वा Spotify सेवाको सम्बन्धमा यसपछि सिर्जना गरिने कुनै पनि तरिकामा र कुनै पनि माध्यम, विधि वा प्रविधिद्वारा नै किन नहोस्। लागू हुने ठाउँहरूमा र लागू कानुन अन्तर्गत अनुमति दिइएको हदसम्म, तपाईं पनि कुनै पनि "नैतिक अधिकार" वा समकक्ष अधिकारहरू माफ गर्न र कार्यान्वयन नगर्न सहमत हुनुहुन्छ, जस्तै प्रतिक्रिया सहित तपाईंको कुनै पनि प्रयोगकर्ता सामग्रीको लेखकको रूपमा पहिचान गर्न पाउने अधिकार र यस्तो प्रयोगकर्ता सामग्रीको अपमानजनक व्यवस्थापनप्रति आपत्ति जनाउने तपाईंको अधिकार।

प्रतिक्रिया

यदि तपाईं Spotify सेवा वा कुनै सामग्रीको प्रयोगको सम्बन्धमा विचार, सुझाव, वा अन्य प्रतिक्रिया ("प्रतिक्रिया") प्रदान गर्नुहुन्छ भने त्यस्तो प्रतिक्रिया गोप्य हुने छैन र कुनै पनि प्रतिबन्धबिना र तपाईंलाई भुक्तानी नगरिकन Spotify द्वारा प्रयोग गरिन सक्छ। यी सर्त अन्तर्गत प्रतिक्रियालाई एक प्रकारको प्रयोगकर्ता सामग्री मानिएको छ।

तपाईंको यन्त्र।

तपाईं हामीलाई निम्न कुराहरूको अधिकार पनि प्रदान गर्नुहुन्छ: (१) Spotify सेवालाई Spotify सेवाको संचालनको सुविधा दिन आफ्नो यन्त्रको प्रोसेसर, ब्यान्डविथ र भण्डारण हार्डवेयरको प्रयोग गर्ने अनुमति दिनुहुन्छ, (२) तपाईंलाई विज्ञापन र अन्य जानकारी प्रदान गर्ने र Spotify को गोपनीयता नीति ले अनुमति दिएअनुसार हाम्रा व्यापार साझेदारहरूलाई पनि तपाईंलाई उपरोक्त कुराहरू प्रदान गर्न अनुमति दिनुहुन्छ।

सामग्रीसम्बन्धी अनुभव

Spotify सेवाको कुनै पनि अंशमा सामग्रीको चयन र प्लेसमेन्टसहित तपाईंले पहुँच राख्ने सामग्री तेस्रो पक्षसँगका Spotify का सम्झौतालगायतका व्यापारिक सोच-विचारहरूद्वारा प्रभावित हुनसक्छ।

Spotify द्वारा लाइसेन्सप्राप्त, यसलाई प्रदान गरिएको, यसले सिर्जना गरेको वा यसले अन्य कुनै पनि तरिकाले सिर्जना गरेको केही सामग्रीमा (उदारणका लागि पोडकास्टहरू) विज्ञापन सेवा समावेश हुनसक्छ र यस्तो विज्ञापन सेवाका लागि Spotify जिम्मेवार हुने छैन।

उल्लङ्घनका दाबीहरू

Spotify ले बौद्धिक सम्पत्ति मालिकहरूका अधिकारहरूको सम्मान गर्दछ। यदि तपाईंलाई कुनै पनि सामग्रीले तपाईंका प्रतिलिपि अधिकारहरूको उल्लङ्घन गर्छ जस्तो लाग्छ भने कृपयाSpotify को प्रतिलिपि अधिकारसम्बन्धी नीति हेर्नुहोस्।

५. ग्राहक सहायता, जानकारी, प्रश्न र गुनासो

Spotify सहायता समुदाय

योSpotify सहायता समुदाय भनेको जानकारी, सुझाव र Spotify सेवासँग सम्बन्धित अन्य सामग्रीबारे छलफल गर्ने र ती कुराहरू साझा गर्ने ठाउँ हो। Spotify सहायता समुदायको प्रयोग गरेर तपाईं यससमुदायका सर्तहरूमा सहमति जनाउनुहुन्छ।

ग्राहक सहायता, जानकारी, प्रश्न, गुनासो

खाता र भुक्तानीसँग सम्बन्धित प्रश्नहरूको ("ग्राहक सहायताका प्रश्नहरू") सम्बन्धमा ग्राहक सहायताका लागि कृपया हाम्रो वेबसाइटकोहाम्रो बारेमा खण्डमा सूचीबद्ध ग्राहक सहायतासम्बन्धी स्रोतसाधनहरूको प्रयोग गर्नुहोस्।

यदि तपाईंसँग Spotify को सेवा वा यी सर्तहरूको (यसैसाथ समावेश गरिएको Spotify को कुनै पनि थप नियम र सर्तसहित) बारेमा कुनै पनि प्रश्न छ भने कृपया हाम्रो वेबसाइटको हाम्रो बारेमा भन्ने खण्डमा गई Spotify ग्राहक सेवामा सम्पर्क गर्नुहोस्।

यदि तपाईं युरोपीस संघमा बस्नुहुन्छ भने तपाईं वैकल्पिक विवाद समाधान (ODR-प्लेटफर्म) को अनलाइन प्लेटफर्ममार्फत गुनासो लेखाउन पनि सक्नुहुन्छ। तपाईं निम्न लिंकमार्फत ODR-प्लेटफर्म भेट्टाउन सक्नुहुन्छ: https://ec.europa.eu/consumers/odr।

६. समस्या र विवादहरू

Spotify का सेवाहरू निलम्बन गने र समाप्त गर्ने

तपाईं वा Spotify मध्ये कुनै एकले सेवा समाप्त नगरुञ्जेल यी सर्तहरू तपाईंमा लागू हुन जारी रहनेछ। यदि हामीलाई तपाईंले यी सर्तहरूमध्ये कुनै पनि सर्तको उल्लङ्घन गर्नुभएको छ जस्तो लाग्यो भने, यदि हामीले तपाईंलाई उचित तरिकाले सूचित गरेर Spotify सेवा वा यससँग सम्बन्धित कुनै पनि सामग्रीका अंशहरू प्रदान गर्न रोक्यौँ भने वा हामीलाई लागू कानुनअनुसार सो कुराको पालना गर्न अवश्यक लाग्यो भने Spotify ले यी सर्तहरू (यसैसाथ समावेश गरिएको Spotify को कुनै पनि थप नियम र सर्तसहित) समाप्त गर्न सक्छ वा कुनै पनि समय Spotify सेवामा तपाईंको पहुँचलाई निलम्बन गर्न सक्छ। यदि तपाईं वा Spotify ले यी सर्तहरू समाप्त गर्नुभयो वा यदि Spotify ले Spotify को सेवामाथिको तपाईंको पहुँचलाई निलम्बित गर्यो भने लागू कानुनको अधीनमा रहँदै Spotify सँग तपाईंप्रतिको कुनै पनि दायित्व वा जिम्मेवारी हुनेछैन र (यी सर्तहरूमा स्पष्ट रूपमा प्रदान गरिएकोबाहेक) Spotify ले तपाईंले पहिले नै भुक्तानी गरिसक्नुभएको कुनै पनि रकम फिर्ता गर्ने छैन भन्ने कुरामा तपाईं सहमत हुनुहुन्छ। तपाईं कुनै पनि समय यी सर्तहरू समाप्त गर्न सक्नुहुन्छ, यस्तो अवस्थामा तपाईं Spotify को सेवामाथि पहुँच राख्न वा त्यसको प्रयोग जारी राख्न सक्नुहुने छैन। आफ्नो Spotify खाता समाप्त गर्नेबारे थप जान्न कृपया हाम्रोहाम्रो बारेमा पृष्ठमा रहेका ग्राहका सहायतासम्बन्धी स्रोतसाधनहरूको प्रयोग गर्नुहोस्।

यहाँ समावेश रेहा खण्ड ४ (सामग्री र बौद्धिक सम्पत्ति अधिकार), ३ (Spotify सेवाको तपाईंको प्रयोग), २ (हामीद्वारा प्रदान गरिएको Spotify सेवा), ६ (समस्या र विवादहरू), ७ (यी सर्तहरूको बारेमा) का साथसाथै यी सर्तहरूको अन्य कुनै पनि खण्ड चाहे व्यक्त रूपमा होस् वा तिनीहरूको स्वभावअनुसार होस्, यी सर्तहरूको समापनपछि पनि प्रभावमा नै रहने छन्, सेवा समाप्तिले यिनीहरूको अस्तित्व समाप्त हुने छैन।

वारेन्टी डिस्क्लेमरहरू

Spotify ले उचित हेरचाह र सीपको प्रयोग गरेर तथा Spotify ले उपलब्ध गराएको Spotify सेवाको कुनै विनिर्देशन अनुसार Spotify सेवा प्रदान गर्दछ, यद्यपि, यो सेवा यस सर्तमा प्रदान गरिन्छ कि Spotify सेवा व्यक्त, निहित वा वैधानिक जस्तो कुनै पनि प्रकारको वारेन्टीबिना "जस्तो छ त्यस्तै" र "जस्तो उपलब्ध छ त्यस्तै" प्रदान गरिन्छ। यसका साथै, Spotify र सामग्रीका सबै मालिकहरूले सामग्रीको सम्बन्धमा सन्तोषजनक गुणस्तर, व्यापारिकता, विशेष उद्देश्यको लागि उपयुक्तता वा गैर-उल्लङ्घन वारेन्टीसहित कुनै पनि अभिव्यक्त, निहित र वैधानिक वारेन्टीहरू अस्वीकार गर्दछन्। न त Spotify न सामग्रीको कुनै मालिकले Spotify को सेवा वा सामग्री मालवेयर वा अन्य हानिकारक घटकहरूबाट मुक्त छ भन्ने वारेन्टी दिन्छ। यसका अतिरिक्त, Spotify ले विज्ञापन, प्रचारप्रसार वा तेस्रो पक्षद्वारा वा Spotify सेवा वा कुनै हाइपरलिंक गरिएको वेबसाइटमार्फत प्रस्ताव गरिएको कुनै पनि तेस्रो पक्षको अनुप्रयोग (वा त्यसको सामग्री), प्रयोगकर्ता सामग्री, उपकरणहरू वा कुनै पनि उत्पादन वा सेवाको सम्बन्धमा न त कुनै प्रतिनिधित्व गर्दछ, न कुनै वारेन्टी वा कुनै उत्तरदायित्व मान्दछ, साथै Spotify तपाईं र पूर्ववर्ती कुनै पनि तेस्रो पक्ष प्रदायकबीचको कुनै पनि कारोबारका लागि जिम्मेवार हुँदैन। तपाईंले Spotify बाट मौखिक वा लिखित रूपमा प्राप्त गर्नुभएको कुनै सल्लाह वा जानकारीले Spotify को तर्फबाट कुनै वारेन्टी सिर्जना गर्ने छैन। Spotify को सेवा प्रयोग गर्दा तपाईंसँग अश्लील सामग्री फिल्टर गर्ने सुविधाहरूमाथिको पहुँच हुन सक्दछ, तर यी सुविधाहरूको प्रयोग गरेपछि पनि केही अश्लील सामग्री प्रस्तुत हुन सक्छ र तपाईं यस्ता सुविधाहरूले सबै अश्लील सामग्री फिल्टर गर्नेछन् भनी तिनीहरूमै भर पर्नुहुन्न। यो खण्ड लागू कानुनले अनुमति दिएको पूर्णतम सीमासम्म लागू हुन्छ।

केही न्यायक्षेत्रहरूले उपभोक्ताका लागू वैधानिक अधिकारहरूसँग सम्बन्धित निहित वारेन्टी वा सीमितताहरूको अपवर्जनलाई अनुमति दिँदैनन्, त्यसैले यस खण्डका बहिष्कार र सीमितताहरू तपाईंमा लागू नहुन सक्छन् र कुनै पनि कुराले तपाईंको वैधानिक अधिकारहरूलाई असर नगर्न सक्छ।

दाबी दायर गर्नका लागि उत्तरदायित्व र समयको सीमितता

लागू कानुनको अधीनमा रहँदै, तपाईं Spotify सेवासँग सम्बन्धित कुनै समस्या वा असंतोषका लागि तपाईंको एकमात्र र विशिष्ट रामबाण उपाय भनेको कुनै पनि Spotify सफ्टवेयरको स्थापना हटाउनु हो र Spotify सेवाको प्रयोग रोक्नु हो भन्ने कुरामा सहमत हुनुहुन्छ। Spotify सेवामार्फत उपलब्ध गराइएको वा त्योसँग सम्बन्धित तेस्रो पक्षका अनुप्रयोगहरू वा त्यसको सामग्रीको सम्बन्धमा Spotify को कुनै बाध्यता वा दायित्व हुने छैन भन्ने कुरामा तपाईं सहमत हुनुहुन्छ र हुन त यस्ता तेस्रो पक्षीय अनुप्रयोगहरूसँग तपाईंको सम्बन्ध यस्ता तेस्रो पक्षसँगको छुट्टै सम्झौताहरूद्वारा प्रशासित हुन सक्छ, तैपनि Spotify को सन्दर्भमा, कुनै पनि तेस्रो-पक्षको अनुप्रयोग वा त्यसको सामग्रीसँग सम्बन्धित कुनै पनि समस्या वा असन्तुष्टिको लागि तपाईंको एकमात्र र विशिष्ट रामबाण उपाय भनेको यस्तो तेस्रो-पक्षको अनुप्रयोग वा सामग्रीको स्थापना हटाउनु वा प्रयोग बन्द गर्नु नै हो।

**कुनै पनि घटनामा Spotify, यसका अधिकारी, शेयरहोल्डर, कर्मचारी, एजेन्ट, निर्देशक, सहायक, सम्बद्ध, उत्तराधिकारी, असाइन गरिएको पक्ष, आपूर्तिकर्ता वा लाइसेन्सर निम्न कुराका लागि उत्तरदायी हुने छैनन्: (१) कुनै पनि अप्रत्यक्ष, विशेष, घटनागत, दडात्मक, अनुकरणीय वा परिणामस्वरूप हुने क्षतिको लागि जिम्मेवार हुने छैनन्; (२) प्रयोग, डेटा, व्यवसाय, वा नाफा (प्रत्यक्ष वा अप्रत्यक्ष) को कुनै पनि हानि, Spotify सेवा, उपकरण, तेस्रो-पक्षका अनुप्रयोगहरू वा तेस्रो-पक्षको अनुप्रयोग सामग्री प्रयोग गर्न वा असक्षमताको प्रयोगबाट उत्पन्न हुने सबै मामिलाहरूमा जिम्मेवार हुने छैनन्; वा (३) Spotify सेवा, तेस्रो-पक्षका अनुप्रयोग वा तेस्रो-पक्षको अनुप्रयोगको सामग्रीसँग सम्बन्धित दाबीहरूका लागि कुल दायित्व (क) पहिलो दाबीभन्दा बाह्र महिनाअघि तपाईंले Spotify लाई भुक्तानी गरेको रकम; वा (ख) $३०.०० भन्दा बढी हुनेछैन। तपाईंलाई हुने नोक्सानीका लागि हाम्रो देयता पूर्ण रूपमा तार्किक रूपमा अनुमान लगाउन सकिने कुराहरूसम्म मात्र सीमित हुन्छ। **

स्पष्टीकरणका लागि भन्नुपर्दा, लागू कानुनले यस्तो सीमालाई निषेध गर्ने सीमासम्म र लागू कानुनद्वारा सीमित वा बहिष्कृत हुन नसक्ने कुनै पनि अन्य दायित्वका का सम्बन्धमा यी सर्तहरूले धोखाधडी, जालसाजी गलत व्यवहार, मृत्यु वा व्यक्तिगत चोटपटकप्रति Spotify को दायित्वलाई सीमित गर्दैनन्।

**लागू हुने कानुन अन्तर्गत यस्तो प्रतिबन्ध निषेध गरिएको अवस्थाबाहेक, यी सर्तअन्तर्गत उठ्ने कुनै पनि दाबी (मध्यस्थताका लागि माग दायर गरेर वा तल दिइएको मध्यस्थता सम्झौता अन्तर्गत एक व्यक्तिगत कारबाही दायर गरेर) दाबी गर्ने पक्षले उक्त दाबीलाई माथि उठाउने क्रियाकलाप, लोप वा चूक थाहा पाएको वा तार्किक रूपमा थाहा पाउनुपर्ने मितिको एक (१) वर्षभित्रमा सुरु गर्न अनिवार्य छ र त्यो अवधिभित्रमा नगरिएको कुनै पनि दाबीका लागि कुनै पनि रामबाण उपाय पाउने हक हुनेछैन। **

तेस्रो पक्षका अधिकारहरू

तपाईं सामग्रीका मालिक र केही वितरकहरूसँग (जस्तै एप स्टोर प्रदायकहरू) यी सर्तहरूका लाभार्थी हुन् र तिनीहरूसँग तपाईंविरुद्ध यी सर्तहरू प्रत्यक्ष रूपमा लागू गर्ने अधिकार हुन्छ भन्ने कुरा स्वीकार गर्नुहुन्छ र सहमत हुनुहुन्छ। यस खण्डमा निर्धारण गरिएकोबाहेक, यी सर्तहरूको उद्देश्य तपाईं र Spotify बाहेक अरू कसैलाई अधिकार प्रदान गर्नु होइन र कुनै पनि घटनामा यी सर्तहरूले कुनै पनि तेस्रो-पक्षका लाभार्थी अधिकारहरू सिर्जना गर्दैन।

यदि तपाईंले Apple Inc. ("Apple") को एप स्टोरबाट हाम्रो कुनै पनि मोबाइल सफ्टवेयर अनुप्रयोग (हरेक, एक "एप" हो) डाउनलोड गर्नुभएको छ वा यदि तपाईं iOS यन्त्रमा उक्त एप प्रयोग गर्दै हुनुहुन्छ भने तपाईं Apple को सम्बन्धमा आफूले निम्न सूचना पढेको, बुझेको र त्यसमा आफू सहमत भएको कुरा स्विकार्नुहुन्छ। यी सर्तहरू तपाईं र Spotify बीचका मात्र हुन्छन्, Apple सँगका होइनन् र Spotify सेवा र यसको सामग्रीका लागि जिम्मेवार Apple हुँदैन। Apple माथि Spotify को सेवाको सम्बन्धमा कुनै पनि मर्मत-सम्भार र सहायताका सेवाहरू पूरा गर्ने कुनै पनि प्रकारको बाध्यता हुने छैन। Spotify को सेवा कुनै पनि लागू हुने वारेन्टीको अनुरूप कार्य गर्न असफल भएमा तपाईं सो कुरा Apple लाई सूचित गर्न सक्नुहुन्छ र Apple ले तपाईंलाई उक्त एपको खरिद मूल्य फिर्ता दिनेछ र लागू कानुनद्वारा अनुमति दिइएको अधिकतम सीमासम्म, Spotify सेवाको सन्दर्भमा Apple माथि कुनै पनि वारेन्टीको दायित्व हुने छैन। Apple यस Spotify सेवा वा Spotify सेवाको तपाईंको अधिकार वा प्रयोगसँग सम्बन्धित तपाईं वा कुनै पनि तेस्रो पक्षद्वारा गरिएको निम्नलगायतको कुनै पनि कुराको सम्बोधन गर्नका लागि जिम्मेवार हुँदैन: (१) उत्पादन दायित्वसम्बन्धी दाबी; (२) कुनै पनि त्यस्तो दाबी जसमा Spotify सेवा कुनै पनि लागू कानुनी वा नियामकीय आवश्यकता अनुरूप काम गर्न असफल हुन्छ; (३) उपभोक्ता संरक्षण वा यस्तै कानुनअन्तर्गत उत्पन्न दाबीहरू र (४) बौद्धिक सम्पत्ति उल्लङ्घनको सम्बन्धमा गरिने दाबीहरू। Apple यस्तो प्रकारको तेस्रो-पक्षीय दाबीको अन्वेषण, रक्षा, सम्झौता र कुनै पनि डिस्चार्जको लागि जिम्मेवार हुँदैन जसमा Spotify सेवा वा यस एपको तपाईंको अधिकार र प्रयोगले उक्त तेस्रो पक्षको बौद्धिक सम्पत्तिसम्बन्धी अधिकारको उल्लङ्घन गर्दछ। तपाईं Spotify सेवा प्रयोग गर्दा कुनै पनि लागू तेस्रो-पक्षीय सर्तको पालना गर्न सहमत हुनुहुन्छ। Apple र Apple का सहायकहरू यी सर्तहरूका तेस्रो-पक्षीय लाभार्थीहरू हुन् र तपाईंले यी सर्तहरू स्वीकार गरेपछि Apple सँग यी सर्तहरूको तेस्रो-पक्षीय लाभार्थीको रूपमा तपाईंविरुद्ध यी सर्तहरू लागू गर्ने अधिकार हुनेछ (र उसले उक्त अधिकार स्वीकार गरेको मानिने छ)।

क्षतिपूर्ति

तपाईं निम्नबाट उत्पन्न वा निम्नसँग सम्बन्धित Spotify ले भोग्ने वा उसलाई हुने तार्किक रूपमा अनुमान गर्न सकिने कुनै पनि प्रत्यक्ष नोक्सानी, क्षति र तार्किक खर्चबाट (उचित अधिवक्ता शुल्क र लागतसहित) र सो कुराविरुद्ध Spotify लाई क्षतिपूर्ति गर्न र उसलाई हानिरहित राख्न सहमत हुनुहुन्छ: (१) तपाईंद्वारा यीमध्ये कुनै पनि सर्तको उल्लङ्घन (यसैसाथ समावेश गरिएको Spotify को कुनै पनि थप नियम र सर्तसहित); (२) तपाईंले पोस्ट गर्नुहुने वा अन्य कुनै पनि तरिकाले योगदान गर्नुहुने सामग्री; (३) तपाईं Spotify को सेवामा वा सोमार्फत संलग्न हुने कुनै पनि गतिविधि; र(४) तपाईंद्वारा कुनै तेस्रो पक्षको कुनै पनि कानुन वा अधिकारको उल्लङ्घन।

नियन्त्रण गर्ने कानुन, अनिवार्य मध्यस्थता र स्थान

6.१ नियन्त्रण गर्ने कानुन / न्यायक्षेत्र

तपाईंको निवासको देशमा अनिवार्य कानुनअनुसार अन्य कुनै पनि तरिकाले आवश्यक नभएसम्म, यी सम्झौताहरू (र यिनीहरूबाट उत्पन्न वा यिनीहरूसँग सम्बन्धित कुनै पनि गैर-अनुबन्धित विवाद / दाबी) कानुनका सिद्धान्तहरूको छनौट वा द्वन्द्वमा ध्यान नदिइकन तल सूचीबद्ध राज्य वा देशको कानुनको अधीनमा हुनेछन्।

लागू अनिवार्य कानुनअन्तर्गत तपाईं आफ्नो निवास भएको देशमा कानुनी कार्यवाही ल्याउने छनौट गर्न सक्नुहुन्छ, वा हामीले तपाईंको निवास देशमा मात्र कानुनी कार्यवाही ल्याउनै पर्ने अवस्थाबाहेक, तपाईं र Spotify सम्झौताहरूको (र यिनीहरूबाट उत्पन्न वा यिनीहरूसँग सम्बन्धित कुनै पनि गैर-अनुबन्धित विवाद / दाबी) सम्बन्धमा उठ्ने कुनै बहस, दाबी वा विवाद सुल्झाउन तल सूचीबद्ध अदालतको न्यायाधिकार क्षेत्रप्रति सहमत हुनुहुन्छ।

6.२ वर्गीय कार्यको अधित्याग

लागू कानुन अन्तर्गत अनुमति दिइएसम्म, तपाईं र SPOTIFY यो कुरामा सहमत हुनुहुन्छ कि प्रत्येकले अन्य पक्षविरुद्ध तपाईंको वा त्यसको आफ्नै व्यक्तिगत क्षमतामा दाबी ल्याउन सक्छ र कुनै पनि दाबी गरिएको वर्ग वा प्रतिनिधि कार्यमा वादी वा वर्ग सदस्यको रूपमा होइन। जबसम्म तपाईं र Spotify दुवै सहमत हुनुहुन्न, कुनै मध्यस्थ वा न्यायाधीशले एकभन्दा बढी व्यक्तिका दाबीहरू समेकित गर्न वा अन्य कुनै पनि तरिकाले कुनै प्रतिनिधि वा वर्गसम्बन्धी प्रक्रियाको कुनै पनि रूपको अध्यक्ष हुन सक्नेछैन।

6.३ मध्यस्थता

यदि तपाईं यस्तो न्यायाधिकार क्षेत्रमा स्थित हुनुहुन्छ, आधारित हुनुहुन्छ वा त्यहाँ कार्यालय छ वा व्यापार गर्नुहुन्छ जहाँ २४.३. लागू हुन्छ भने निम्न अनिवार्य मध्यस्थताका प्रावधानहरू तपाईंमा लागू हुन्छ:

6.३.१ विवाद समाधान र मध्यस्थता

तपाईं र Spotify सहमत हुनुहुन्छ कि कुनै पनि तरिकाले यी सम्झौताहरूसँग वा यस सेवाको प्रयोगकर्ताको (चाहे त्यो अनुबन्ध, टोर्ट, कानुन व्यवस्था, धोकाधडी, गलत बयान वा कुनै अन्य कानुनी सिद्धान्तमा आधारित होस् र चाहे दाबीहरू सम्झौताहरूको समापन भएको बेला देखा परून् वा सो समयपछि नै किन देखा नपरून्) रूपमा Spotify सँगको तपाईंको सम्बन्धसँग जोडिएको वा सम्बन्धित तपाईं र Spotify बीचको कुनै पनि बहस, दाबी वा विवाद एक अनिवार्य बाध्यकारी व्यक्तिगत मध्यस्थताद्वारा निर्धारित गरिनेछ। मध्यस्थता अदालतमा मुद्दा हाल्नेभन्दा बढी अनौपचारिक हुन्छ। मध्यस्थतामा कुनै पनि न्यायाधीश वा ज्युरी हुँदैन र मध्यस्थताको निर्णयको अदालती समीक्षा सीमित हुन्छ। यसमा अदालतमाभन्दा बढी सीमित खोजी हुन सक्छ। मध्यस्थले मध्यस्थतामा पक्षहरूलाई मात्र नभई घोषणात्मक वा अमिल्दो राहत प्रदान गर्न सक्ने अवस्थाबाहेक, मध्यस्थले यो सम्झौताको पालना गर्नुपर्नेछ र अदालतले समान क्षति र राहत प्रदान गर्न सक्नेछ (वकिल शुल्कसहित)। यी सम्झौताहरूको समाप्तिले यो मध्यस्थताको प्रवधानको अस्तित्व समाप्त हुने छैन।

6.३.२ अपवादहरू

माथिको दफा २४.३.१ को बावजुद पनि, यसैसाथ तपाईं र Spotify दुबै सहमत हुनुहुन्छ कि कुनै पनि समयमा कुनै पनि कुराले निम्न कामका लागि हामीममध्ये दुवैका अधिकारहरू त्याब्ने, रोक्ने वा अन्य कुनै पनि तरिकाले सीमित गर्ने छैन: (१) व्यक्तिगत कार्यवाहीहरू साना दाबीका अदालतमा ल्याउने, (२) यदि निम्न कार्यवाहीहरू उपलब्ध छन् भने लागू संघीय, राज्य स्तरीय वा स्थानीय एजेन्सीहरूमार्फत कार्यान्वयन कार्यहरूको अनुसरण गर्ने, (३) अदालतमा निषेधकारी राहत खोज्ने, वा (४) बौद्धिक सम्पत्तिको उल्लंघनका दाबीहरूलाई सम्बोधन गर्न कानुनीको अदालतमा मुद्दा हाल्ने।

6.३.३ मध्यस्थताका नियमहरू

कि तपाईं, कि भने हामी मध्यस्थताको कार्यवाही सुरु गर्न सक्छौँ। यी सम्झौताहरूद्वारा परिमार्जन गरिएअनुसार, तपाईं र Spotify बीचको कुनै पनि मध्यस्थता प्रक्रिया अन्ततः अन्तर्राष्ट्रिय चेम्बर अफ कमर्स ("ICC") को मध्यस्थताका त्यो समय लागू नियमहरू ("ICC का नियमहरू") बमोजिम ICC का नियमबमोजिम नियुक्त गरिएका एक वा बढी मध्यस्थहरूद्वारा मिलाइनेछ र ICC को मध्यस्थताको अन्तर्राष्ट्रिय अदालतद्वारा प्रशासित हुनेछ।

कुनै पनि मध्यस्थता प्रक्रिया अंग्रेजी भाषामा सञ्चालन हुनेछ र अन्यथा युरोपेली संघको कुनै सदस्य राज्य वा अन्य कुनै न्यायाधिकार क्षेत्रको अनिवार्य कानुनअनुसार आवश्यक नभएसम्म मध्यस्थमा लागू हुने कानुन [माथिको दफा २४.१ मा सम्बन्धित राज्य वा वर्णन गरिएअनुसारको सान्दर्भिक राज्य वा देश] को कानुन हुनेछ, चाहे कानुनका सिद्धान्तहरूको छनौट वा द्वन्द्व जे सुकै किन नहोस्।

6.३.४ दायर गर्ने समय

कुनै पनि मध्यस्थता, मध्यस्थताका लागि माग दायर गरेर, दाबी गर्ने पक्षले उक्त दाबीलाई माथि उठाउने क्रियाकलाप, लोप वा चूक थाहा पाएको वा तार्किक रूपमा थाहा पानुपर्ने मितिको एक (१) वर्ष भित्रमा सुरु गर्न अनिवार्य छ र त्यो अवधिभित्रमा नगरिएको कुनै पनि दाबीका लागि कुनै पनि रामबाण उपाय पाउने हक हुनेछैन। यदि लागू हुने कानुनले दाबी गर्नका एक वर्षीय सीमित अवधिको नियमलाई निषेध गर्दछ भने, कुनै पनि दाबीको प्रक्रिया लागू कानुनद्वारा अनुमति दिइएको छोटोभन्दा छोटो समयावधिमा निश्चित गरिएको हुनुपर्दछ।

6.३.५ सूचना, प्रक्रिया

मध्यस्थताको माग गर्ने पक्षले पहिले प्रमाणित पत्राचार वा फेडरल एक्सप्रेसमार्फत (हस्ताक्षर आवश्यक) अथवा हामीसँग तपाईंका लागि फाइलमा कुनै भौतिक ठेगाना नभएमा इलेक्ट्रोनिक मेलमार्फत ("सूचना") सम्बन्धित बहसको लिखित सूचना अर्को पक्षलाई पठाउनुपर्नेछ। सूचनाका लागि Spotify को ठेगाना निम्न हो: [Spotify, Attn: General Counsel, 4 World Trade Center, 150 Greenwich Street, 62nd Floor, New York, New York 10007, USA]। उक्त सूचनामा (१) बहस वा दाबीको प्रकृतिको वर्णन गरिएको र (२) खोजेका विशेष राहत ("माग") उल्लेख गरिएको हुनुपर्छ। हामी दाबीलाई सोझै समाधान गर्नका सद्भावनापूर्ण प्रयासहरू अपनाउने कुरा सहमत छौँ, तर यदि सूचना प्राप्त भएपछिको ३० दिन भित्रमा हामी सो कार्स गर्ने सम्झौतामा पुगेनौँ भने तपाईं वा Spotify ले मध्यस्थता प्रक्रिया अघि बढाउन सक्नुहुन्छ। मध्यस्थता प्रक्रियाको अवधिमा तपाई वा Spotify ले गरेको कुनै पनि सम्झौताको प्रस्ताव मध्यस्थले अन्तिम निर्णय र जरिवाना भए त्यो नबताएसम्म मध्यस्थसमक्ष खुलासा गर्नुहुन्न। यदि तपाईंको विवाद अन्ततः मध्यस्थतामार्फत तपाईंको पक्षमा समाधान भयो भने Spotify ले तपाईंलाई (१) यदि मध्यस्थले कुनै रकम तोकेको छ भने त्यो, (२) मध्यस्थको जरिवानाअघि विवादको समाधान गर्न Spotify ले प्रस्ताव गरेको अन्तिम लिखित सम्झौता रकम; वा (३) $१,०००.०० मध्ये जुन ठुलो छ त्यो तिर्नेछ। मध्यस्थताको क्रममा खुलासा गरिएका सबै कागजात र जानकारी प्राप्तकर्ताले कडा गोप्य राख्नुपर्नेछ र मध्यस्थको निर्णय वा जरिवानाको कार्यान्वयनबाहेक अरु कुनै उद्देश्यका लागि प्रापकले प्रयोग गर्ने छैन र यस्ता उद्देश्यहरू जान्न आवश्यक व्यक्तिको गोपनीयता वा लागू कानुनद्वारा आवश्यक अवस्थाबाहेक त्यसको खुलासा गरिने छैन। मध्यस्थको निर्णय वा जरिवाना लागू गर्न आवश्यक परिस्थितिबाहेक न तपाईंले न Spotify ले पक्षहरू विवादमा रहेको तथ्य, मध्यस्थताको अस्तित्व वा मध्यस्थको कुनै निर्णय वा जरिवानालगायतका असीमित कुराहरूबाहेक मध्यस्थतासम्बन्धी कुनै सार्वजनिक घोषणा वा सार्वजनिक टिप्पणी गर्न वा पब्लिसिटीको स्थिति उत्पन्न गर्न पाउनुहुने छ।

6.३.६ परिमार्जनहरू

Spotify ले भविष्यमा यस मध्यस्थता प्रावधानमा कुनै पनि परिवर्तन गरेको खण्डमा (सूचनाको लागि Spotify को ठेगानामा परिवर्तनबाहेक), तपाईं Spotify को ठेगानामा परिवर्तनको ३० दिनभित्रमा लिखित सूचना पठाएर त्यस्तो कुनै पनि परिवर्तनलाई अस्वीकार गर्न सक्नुहुन्छ, यस्तो स्थितिमा Spotify सँग रहेको तपाईंको खाताको सेवा तुरून्त समाप्त हुनेछ र यो मध्यस्थताको प्रावधान तपाईंले अस्वीकार गरेका परिमार्जनहरूभन्दा पहिलेको अवस्थामा जस्तै गरी अस्तित्वमा रहने छ।

6.३.७ लागूकरण

यदि खण्ड २४.२ को वर्गीय कार्यको अधित्याग मध्यस्थतामा लागू गर्न नमिल्ने पाइन्छ वा यदि यो खण्ड २४.३ को कुनै अंश अवैध वा लागू गर्न नमिल्ने पाइयो भने यस खण्ड २४.३ को सम्पूर्णता प्रभावहीन र शून्य हुनेछ र यस्तो अवस्थामा खण्ड २४.१ मा वर्णन गरिएको विशेष अधिकार क्षेत्र र स्थलले सम्झौताहरूबाट उत्पन्न वा सम्बन्धित कुनै पनि कारवाहीलाई नियन्त्रण गर्नेछ र तपाईंलाई कुनै पनि समयमा कार्यवाही गर्नबाट रोकिने छैन भन्ने कुरामा पक्षहरू सहमत छन्।

७. यी सर्तहरूको बारेमा

लागू कानुन अन्तर्गत, तपाईंसँग कुनै करामार्फत सीमित गर्न नसकिने केही अधिकारहरू हुन सक्छन्। यी सर्तहरूको उद्देश्य कुनै पनि तरिकाले ती अधिकारहरू सीमित गर्नु होइन।

परिवर्तनहरू

समय-समयमा लागू हुने Spotify सेवामा संशोधित सम्झौता पोस्ट गर्ने प्रक्रियासहित कुनै पनि व्यावहारिक माध्यमबाट (ती लागू हुनुअघि) त्यस्ता परिवर्तनहरूबारे तपाईंलाई सूचित गर्दै हामी यी सर्तहरूमा (यसैसाथ समावेश गरिएको Spotify को कुनै पनि थप नियम र सर्तसहित) परिवर्तन गर्न सक्दछौँ (सामग्री परिवर्तनको सम्बन्धमा त्यस्ता सूचनाहरूको पूरक प्रदान गर्ने दिशामा लागिपर्नेछौँ भन्ने सर्तमा)। यस्तो कुनै पनि परिवर्तन हामीले परिमार्जित सर्तहरू वा यस्ता परिवर्तन समावेश गर्ने Spotify का अन्य नियम र सर्तहरू पोस्ट गरेको मितिभन्दा पहिले वा अन्य कुनै पनि तरिकाले तपाईंलाई सूचित गरेको समयभन्दा पहिले तपाईं र हामीबीच रहेको कुनै पनि विवादमा लागू हुने छैन। यी सर्तहरूमा कुनै पनि परिवर्तनपछि तपाईंद्वारा Spotify सेवाको प्रयोगलाई तपाईंद्वारा यस्तो परिवर्तनको स्वीकार मानिने छ। यदि तपाईं अपडेट गरिएका सर्तअन्तर्गत रहेर Spotify को सेवा प्रयोग गर्न जारी राख्न चाहनुहुन्न भने तपाईं हामीलाई सम्पर्क गरेर आफ्नो खाताको सेवा समाप्त गर्न सक्नुहुन्छ। यस कागजातको माथिल्लो भागमा उल्लेख गरिएको प्रभावी मितिले यी सर्तहरूमा अन्तिम परिवर्तन भएको समय जनाउँछ।

समग्र सम्झौता

यस खण्डमा उल्लेख गरेबाहेक वा तपाईं र Spotify बीच लिखित रूपमा स्पष्ट सहमति भएबाहेक, यी सर्तहरूले तपाईं र Spotify बीच सहमति भएका सबै नियम र सर्तहरूको गठन गर्दछ र यसले यी सर्तहरूको विषयको सम्बन्धमा कुनै पनि पहिलेका सम्झौताहरूलाई हटाउनेछ, चाहे त्यो लिखित होस् वा मौखिक। माथि उल्लेख गरिए अनुसार, Spotify को सेवा नियन्त्रण गर्न अन्य नियम र शर्तहरू यसैसाथ सन्दर्भ दिएर यहाँ सम्मिलित गरिएका छन्, जसमा निम्न नियम र सर्तहरू पर्दछन्: Spotify प्रिमियम प्रचारसम्बन्धी प्रस्तावका सर्तहरू; Spotify को कार्डका सर्तहरू; Spotify को प्रयोगकर्ता मार्गदर्शन; Spotify को प्रतिलिपि अधिकार नीति र Spotify सहायता समुदायका सर्तहरू।

पृथक्करण र छुट

यी सर्तहरूमा अन्य तरिका उल्लेख नगरिएसम्म, यी सर्तहरूको कुनै पनि प्रावधान कुनै पनि कारणले वा कुनै पनि हदसम्म अवैध वा लागू गर्न नमिल्ने ठहर भएमा यी सर्तहरूका बाँकी प्रावधानहरू प्रभावित हुने छैनन् र कानुनद्वारा अनुमति दिइएको हदसम्म त्यो प्रावधान प्रयोगमा ल्याउने प्रक्रिया लागू हुनेछ।

Spotify वा कुनै पनि तेस्रो-पक्षको लाभार्थी यी सर्तहरू वा यिनको कुनै पनि प्रावधान लागू गर्न कुनै पनि तरिकाले विफल हुनाले Spotify वा लागू हुने तेस्रो-पक्षीय लाभार्थीको सो काम गर्ने अधिकार छुट्ने छैन।

असाइनमेन्ट

Spotify ले यीमध्ये कुनै पनि वा सबै सर्तहरू असाइन गर्न सक्छ र यी सर्तअन्तर्गत आफ्नो कुनै अधिकार वा दायित्व सम्पूर्ण रूपमा वा आंशिक रूपमा असाइन गर्न वा प्रत्यायोजित गर्न सक्छ। तपाईं न त यी सर्तहरू सम्पूर्ण वा आंशिक रूपमा असाइन गर्न सक्नुहुन्छ, न यी सर्तअन्तर्गतको आफ्नो अधिकार कुनै पनि तेस्रो पक्षलाई हस्तान्तरण गर्न वा सब-लाइसेन्स बनाएर दिन नै सक्नुहुन्छ।