गोपनीयता

आफ्नो व्यक्तिगत जानकारी सङ्कलन गर्ने

हामी कस्तो व्यक्तिगत जानकारी सङ्कलन गर्छौँ, कसरी सङ्कलन गर्छौँ र सङ्कलन गर्न किन आवश्यक छ भन्ने कुरा तपाईंले बुझ्नु हाम्रा लागि निकै महत्त्वपूर्ण हुन्छ।

हामी निम्न तरिकाले तपाईंको व्यक्तिगत जानकारी सङ्कलन गर्छौँ:

1. तपाईंले Spotify सेवा प्राप्त गर्नका लागि साइन अप गर्दा वा तपाईंले आफ्नो खाता अपडेट गर्दा - हामी तपाईं Spotify सेवा प्रयोग गर्न सक्नुहोस् भन्नाका लागि निश्चित व्यक्तिगत जानकारी सङ्कलन गर्छौँ। यसमा हाम्रो गोपनीयता नीतिको खण्ड 3 मा रहेको "थप विवरण" मा वर्णन गरिएअनुसार तपाईंको प्रोफाइल नाम र इमेल ठेगाना समावेश हुन्छ।
2. तपाईंले गर्ने Spotify सेवाको प्रयोगमार्फत - तपाईंले Spotify Service प्रयोग वा एक्सेस गर्दा हामी तपाईंले गर्ने क्रियाकलापसम्बन्धी डेटा सङ्कलन र प्रयोग गर्छौँ। यसमा तपाईंले बजाउनुभएका गीत र प्लेलिस्ट समावेश हुन्छन्। यो हाम्रो गोपनीयता नीति को खण्ड 3 मा रहेको डेटाको प्रयोगसम्बन्धी कोटी हो।
3. तपाईंले हामीलाई उपलब्ध गराउन रोज्नुभएको व्यक्तिगत जानकारी - समय समयमा, तपाईंले हामीलाई अतिरिक्त व्यक्तिगत जानकारी पनि प्रदान गर्न सक्नुहुन्छ वा हामीलाई व्यक्तिगत जानकारी सङ्कलन गर्ने अनुमति दिन सक्नुहुन्छ (जस्तै, तपाईंलाई थप सुविधा वा कार्यक्षमता प्रदान गर्न)। व्यक्तिगत जानकारीमा हाम्रो गोपनीयता नीति को खण्ड 3 मा बताइएअनुसार भ्वाइससम्बन्धी जानकारी, भुक्तानी तथा खरिदसम्बन्धी जानकारी र सर्वेक्षण तथा अनुसन्धानसम्बन्धी जानकारी पर्न सक्छन्।
4. तेस्रो पक्षीय स्रोतहरूबाट हामीले प्राप्त गर्ने व्यक्तिगत जानकारी - तपाईंले अर्को सेवा प्रयोग गरेर Spotify मा साइनअप गर्नुभयो वा आफ्नो Spotify खाता तेस्रो पक्षीय एप, सेवा वा डिभाइससँग लिंक गर्नुभयो भने हामी त्यस्ता तेस्रो पक्षीयमार्फत तपाईंको जानकारी प्राप्त गर्ने छौँ। हामीले प्राविधिक सेवा प्रदायक, भुक्तानी साझेदार र विज्ञापन र मार्केटिङ साझेदारहरूबाट पनि तपाईंको डेटा प्राप्त गर्न सक्छौँ। थप विवरणहरूका लागि गोपनीयता नीतिको खण्ड 3 हेर्नुहोस्।