Spotify का टोलीहरू हाम्रा क्रिएटर, श्रोता र विज्ञापनदाताहरूका लागि सुरक्षित र रमाइलो प्लेटफर्म सिर्जना गर्न चौबीसै घण्टा काम गर्छन्। हाम्रो प्लेटफर्मका अधिकांश सामग्री नीति अनुरूप हुनुका साथै धेरै जसो सुन्ने समय लाइसेन्स प्राप्त सामग्रीमा खर्च गरिने भएता पनि नराम्रो काम गर्ने व्यक्तिहरूले कहिलेकाहीँ भ्रामक र/वा तोडमोड गरिएको जानकारी सेयर गरेर अनुभव बिगार्ने प्रयास गर्छन्। हामीले हाम्रो प्लेटफर्मका नियमहरूको उल्लङ्घन गर्ने सामग्री पहिचान गर्यौँ भने हामी उचित कारबाही गर्न तुरुन्तै अग्रसर हुन्छौँ। हामीले Spotify लाई हानिरहित राख्न प्रयोग गर्ने रणनीतिहरूका बारेमा थप जान्नका लागि पढ्न जारी राख्नुहोस्।
भ्रामक सामग्री सामान्य अफवाहदेखि लिएर समुदायमा डरत्रास फैलाउने तथा हानि पुर्याउने अभिप्रायले तयार गरिएका अत्यन्तै गम्भीर प्रकृतिका लक्षित अभियानसम्मका कयौँ किसिमका हुन सक्छन्। यो बदलिँदो संसारमा यस्ता प्रवृत्तिहरू चाँडै-चाँडै देखा पर्छन् र यस प्रकारका छलछामहरू अझ राम्ररी बुझ्न हामी आन्तरिक टोली र बाह्य साझेदारहरूको विशेषज्ञाताको प्रयोग गर्दछौँ।
धेरै अवस्थामा, आफू झुटो वा भ्रामक छु भन्ने कुरा थाहा नहुन सक्ने मान्छेहरूले यस्ता प्रकारका हानिकारक कुराहरू सेयर गर्न सक्छन्। र केही झूटा कुराहरू (जस्तै "मेरो कुकुर संसारकै सबैभन्दा स्मार्ट कुकुर हो") खतरनाक नभए तापनि अन्य झुटा कुराहरू (जस्तै "क्यान्सर वास्तवमा रोग नै होइन") खतरनाक हुन्छन्। 'गलत जानकारी' भन्ने शब्द प्रायः तोडमोड गरिएका विभिन्न प्रकारका जानकारीका लागि प्रयोग गरिन्छ। यसमा 'झुठो जानकारी' पनि समावेश हुन्छ जुन जानकारी सत्य जानकारीका बारेमा भ्रम सिर्जना गर्न खोज्ने मानिसहरूले जानाजान फैलाउने गर्दछन्।
खतरनाक र भ्रामक सामग्री सूक्ष्म अनि जटिल हुन्छ र यस्तो सामग्रीको अत्यन्तै सावधानीपूर्वक मूल्याङ्कन गर्नु गर्नु पर्ने हुन्छ। एकभन्दा बढी प्रकारका नीतिहरूको सहारा लिएर यस प्रकारका उल्लङ्घनहरूको समाधान गर्नाले हामी अझ प्रभावकारी र सटीक ढङ्गले निर्णयहरू गर्न सक्छौँ भन्ने कुरामा विश्वास राख्छौँ।
उदाहरणका लागि, हाम्रो खतरनाक सामग्रीसम्बन्धी नीतिहरू अन्तर्गत हामी अफलाइन हानि पुर्याउन सक्ने झूटा वा भ्रामक चिकित्सा जानकारीको प्रचार गर्ने वा प्रत्यक्ष जनस्वास्थ्यलाई खतरामा पार्ने सामग्री प्रयोग गर्न अनुमति दिदैनौँ। अर्को उदाहरण हाम्रो भ्रामक सामग्री नीतिहरूअन्तर्गत पर्छ,जसमा हामीले तोडमोड गर्न प्रयास गर्ने सामग्रीका सम्बन्धमा कारबाही गर्छौँ वा चुनावसम्बन्धी प्रक्रियाहरूमा हस्तक्षेप गर्ने कुरा पर्छ र यसमा अरूलाई डराउने वा मतदाताहरूलाई चुनावमा भाग लिनबाट रोक्ने जस्ता कुराहरू पर्छन्।
यस्ता प्रकारका अनलाइन दुरुपयोगहरूको मूल्याङ्कन गर्न हामी निम्नलगायतका विभिन्न कारकहरूलाई ध्यानमा राख्छौँ:
खतरनाक धोखाधडी विशेष बजार, भाषा र विशेष जोखिममा रहेका जनसङ्ख्यालाई लक्षित गर्दै प्रायः अत्यधिक स्थानीयकृत हुन्छ। यो समस्या समाधान गर्न हामी हानिको गम्भीर जोखिम प्रस्तुत गर्न सक्ने उदियमान ट्रेन्डहरूका बारेमा जानकार रहिरहौँ भन्ने कुरा सुनिश्चित गर्न र मेसिन लर्निङ क्लासिफायरू प्रयोग गरेर यो मानव ज्ञानलाई मापन गर्न स्थानीय बजार विशेषज्ञताको लाभ लिन्छौँ। यस दृष्टिकोणलाई "जानकार मानव" भनिन्छ।
हामी विश्वासनीय जानकारी भेट्टाउन कठिन भएका परिस्थितिमा यस प्रकारको सामग्री अनिश्चित समयमा यो प्रकारको सामग्री थप सामान्य हुन्छन् भन्ने कुरा बुझ्छौँ। यस कारणले गर्दा, अफलाइन हिंसा निम्त्याउने हानिकारक कथाहरूको अधिक स्पष्ट जोखिम हुँदा संवेदनशील घटनाहरूमा सम्भावित अपमानजनक सामग्रीको फैलावटलाई सीमित गर्न मद्दत गर्न हामीले धेरै सामग्री कार्यहरू पनि लिन सक्छौं।
उदाहरणका लागि, हामी सिफारिसहरूमा सामग्री भेटिने क्षमता सीमित पार्न, सामग्रीसम्बन्धी सल्लाहबारे चेतावनी समावेश गर्न वा यसलाई प्लेटफर्मबाट हटाउन सक्छौँ। हामीले हाम्रा प्रयोगकर्ताहरूले सही र विश्वासिलो जानकारी एक्सेस गर्न सकून् भन्ने कुरा सुनिश्चित गर्न उनीहरूलाई चुनाव आयोगले विकास र व्यवस्थापन गरेका मतदान-सम्बन्धी आधिकारिक स्रोतका लिंक जस्ता प्राधिकृत स्रोतहरूको सामग्री पनि देखाउन सक्छौँ।
हामी हाम्रा आफ्नै Spotify टोली, बाह्य सरोकारवाला र Spotify सुरक्षा सल्लाहकार परिषदमा रहेका हाम्रा साझेदारहरूका सुझावका आधारमा हाम्रा नीति र समीक्षकको मार्गदर्शनलाई निरन्तर रूपमा परिमार्जन गर्छौं।
तपाईं यहाँ गई हाम्रो सुरक्षा कार्यका बारेमा थप पढ्न सक्नुहुन्छ र यहाँ गई विगतका चुनावहरूमा क्रिएटरलाई दिइएका हाम्रा निर्देशनहरू हेर्न सक्नुहुन्छ।